കണ്ണൂർ: കണ്ണൂർ കണ്ണപുരം സ്ഫോടന കേസ് പ്രതി അനൂപ് മാലിക്കിനെ പൊലിസ് പിടികൂടി. കാഞ്ഞങ്ങാട് വെച്ചാണ് അനൂപിനെ കണ്ണപുരം പൊലിസ് പിടികൂടിയത്. ശനിയാഴ്ച പുലർച്ചെ രണ്ട് മണിക്കാണ് കണ്ണപുരം കീഴറയിൽ വീടിനുള്ളിൽ സ്ഫോടനം നടന്നത്.

സ്ഫോടന വസ്തു പൊട്ടിത്തെറിച്ചുണ്ടായ അപകടത്തിൽ ചാലാട് സ്വദേശിയായ മുഹമ്മദ് ആഷാം മരണപ്പെട്ടിരുന്നു. സ്ഫോടനത്തിൽ വീട് മുഴുവനായും തകരുകയായിരുന്നു. മുഹമ്മദ് ആഷാമിന്റെ മൃതദേഹം ചിന്നിചിതറിയ നിലയിലാണ് ഉണ്ടായിരുന്നത്.

അടുത്തുള്ള വീടുകൾക്കും കേടുപാടുകൾ ഉണ്ടായി. അനൂപിനെതിരെ എക്സ്പ്ലോസിവ് സബ്സ്റ്റൻസ് ആക്ട് പ്രകാരം കേസ് എടുത്തിരുന്നു. പ്രത്യേക അന്വേഷണ സംഘത്തിന്റെ നേതൃത്തിലാണ് അന്വേഷണം നടന്നത്.