HOME
DETAILS

ബാങ്കോക്കില്‍ നിന്ന് കുവൈത്തിലേക്കുള്ള വിമാനയാത്രക്കിടെ വീഡിയോ പകര്‍ത്തിയ പ്രശസ്ത ട്രാവല്‍ വ്‌ളോഗറെ ജീവനക്കാര്‍ ഭീഷണിപ്പെടുത്തിയെന്ന് പരാതി

  
Web Desk
July 02 2025 | 17:07 PM

Famous Travel Vlogger Threatened by Staff During Bangkok Kuwait Flight

കുവൈത്ത് സിറ്റി: കുവൈത്ത് എയര്‍വേയ്‌സിന്റെ ബാങ്കോക്കില്‍ നിന്ന് കുവൈത്തിലേക്കുള്ള ഫസ്റ്റ് ക്ലാസ് വിമാനയാത്രക്കിടെ വീഡിയോ ചിത്രീകരിക്കാന്‍ ശ്രമിച്ച പ്രശസ്ത ട്രാവല്‍ വ്‌ളോഗര്‍ 'നോണ്‍സ്റ്റോപ്പ് ഡാന്‍' എന്ന യൂട്യൂബറെ കാബിന്‍ ക്രൂ ജീവനക്കാര്‍ ഭീഷണിപ്പെടുത്തുകയും വിമാനം ലാന്‍ഡ് ചെയ്തശേഷം പൊലിസിനെ വിളിച്ചുവരുത്തുകയും ചെയ്തതായി ആരോപണം. സംഭവത്തിന്റെ വിശദാംശങ്ങള്‍ ഡാന്‍ തന്റെ യൂട്യൂബ് ചാനലില്‍ വീഡിയോയായി പങ്കുവച്ചു. എന്നാല്‍, ഈ വിഷയത്തില്‍ കുവൈത്ത് എയര്‍വേയ്‌സ് ഇതുവരെ പ്രതികരണം നടത്തിയിട്ടില്ല.

ഫസ്റ്റ് ക്ലാസ് ടിക്കറ്റില്‍ യാത്ര ചെയ്യവേ, അനുവാദമില്ലാതെ മൊബൈല്‍ ഫോണില്‍ വീഡിയോ ചിത്രീകരിച്ചത് കാബിന്‍ ക്രൂ ചോദ്യം ചെയ്തതാണ് സംഭവത്തിന്റെ തുടക്കം. താന്‍ ഒരു യൂട്യൂബറാണെന്നും വീഡിയോ ചിത്രീകരിക്കാന്‍ അനുമതി വേണമെന്ന് അറിയില്ലായിരുന്നുവെന്നും ഡാന്‍ വിശദീകരിച്ചു. എന്നാല്‍, വിമാനത്തില്‍ വീഡിയോ എടുക്കാന്‍ അനുമതി നിര്‍ബന്ധമാണെന്നും അനുവാദമില്ലാതെ ചിത്രീകരിച്ച വീഡിയോ ഓണ്‍ലൈനില്‍ പോസ്റ്റ് ചെയ്യരുതെന്നും ക്രൂ അറിയിച്ചു.

അനുമതിക്കായി എയര്‍ലൈനിന്റെ മാര്‍ക്കറ്റിങ് വിഭാഗവുമായി ബന്ധപ്പെടണമെന്നും, അനുമതി ലഭിച്ച ശേഷം മറ്റൊരു വിമാനത്തില്‍ പുതിയ ടിക്കറ്റ് എടുത്ത് യാത്ര ചെയ്യണമെന്നും ജീവനക്കാരന്‍ നിര്‍ദേശിച്ചു. മാര്‍ക്കറ്റിങ് വിഭാഗവുമായി ബന്ധപ്പെടാമെന്ന് ഡാന്‍ സമ്മതിച്ചെങ്കിലും, അനുമതി ലഭിക്കുന്നതുവരെ വീഡിയോ എടുക്കരുതെന്ന് ജീവനക്കാരന്‍ വാശിപിടിച്ചുവെന്നാണ് ഡാന്‍ ആരോപിക്കുന്നത്.

പത്ത് മിനിറ്റിന് ശേഷം, പേരും കോണ്‍ടാക്ട് വിവരങ്ങളും ഒരു കടലാസില്‍ രേഖപ്പെടുത്തി നല്‍കണമെന്ന് ആവശ്യപ്പെട്ട് ഒരു ജീവനക്കാരന്‍ ഡാനിനെ സമീപിച്ചു. എന്നാല്‍, ഡാന്‍ ഇതിന് തയ്യാറായില്ല. വിമാനം കുവൈത്തില്‍ ലാന്‍ഡ് ചെയ്തശേഷം പൊലിസ് എത്തി ഡാനിനെ ചോദ്യം ചെയ്തു.

ഡാന്‍ മറ്റ് യാത്രക്കാരെ ശല്യപ്പെടുത്തുകയും വിമാനത്തിലെ സെന്‍സിറ്റീവ് സുരക്ഷാ ഉപകരണങ്ങള്‍ വീഡിയോയില്‍ പകര്‍ത്തുകയും ചെയ്തുവെന്ന് എയര്‍ലൈന്‍ ജീവനക്കാര്‍ ആരോപിച്ചു. എന്നാല്‍, താന്‍ ഇരുന്ന കാബിനിലെ വീഡിയോ മാത്രമാണ് ചിത്രീകരിച്ചതെന്ന് ഡാന്‍ വ്യക്തമാക്കിയതിനെ തുടര്‍ന്ന്, പൊലീസ് അന്വേഷണത്തിന് ശേഷം ഇയാളെ വിട്ടയ്ക്കുകയായിരുന്നു.

A popular travel vlogger was allegedly threatened by airline staff for filming a video during a flight from Bangkok to Kuwait. The incident has raised discussions about airline policies and treatment of content creators onboard.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

പ്രവാസി ഇന്ത്യക്കാരുടെ ശ്രദ്ധയ്ക്ക്; പാസ്‌പോര്‍ട്ട് അപേക്ഷാ പ്രക്രിയയിൽ മാറ്റം വരുത്തി ദുബൈയിലെ ഇന്ത്യന്‍ കോണ്‍സുലേറ്റ്

uae
  •  3 days ago
No Image

യുഎഇയിലെ വിദ്യർത്ഥികൾക്ക് ആശ്വാസ വാർത്ത; ഗൾഫിൽ പരീക്ഷ എഴുതുന്ന വിദ്യാർത്ഥികൾക്ക് അപാർ നമ്പർ ആവശ്യമില്ലെന്ന് സിബിഎസ്ഇ

uae
  •  3 days ago
No Image

മഴ വില്ലനായി; ചതുപ്പില്‍ മണ്ണ് മാന്തി യന്ത്രങ്ങള്‍ ഇറക്കാനായില്ല; വിജിലിന്റെ മൃതദേഹത്തിനായുള്ള ഇന്നത്തെ തിരച്ചില്‍ അവസാനിപ്പിച്ചു

Kerala
  •  3 days ago
No Image

താമരശേരി ചുരത്തിലെ മണ്ണിടിച്ചിൽ തടയുന്നതിനായുള്ള നടപടികൾ പഠിക്കാൻ വിദഗ്ധ സമിതിയെ അയക്കണം; നിതിൻ ഗഡ്കരിയോട് ആവശ്യപ്പെട്ട് പ്രിയങ്ക ഗാന്ധി

Kerala
  •  3 days ago
No Image

കളിക്കളത്തിൽ അദ്ദേഹത്തിൽ നിന്നാണ് ഞാൻ ഒരുപാട് കാര്യങ്ങൾ പഠിച്ചത്: ഡെമ്പലെ

Football
  •  3 days ago
No Image

നാല്‍പ്പത് ലക്ഷം തൊട്ട് ദുബൈയിലെ ജനസംഖ്യ; കഴിഞ്ഞ 14 വര്‍ഷത്തിനിടെ നഗരത്തിലെത്തിയത് 20 ലക്ഷം പേര്‍

uae
  •  3 days ago
No Image

മതപരിവര്‍ത്തനം ജനസംഖ്യാ വ്യതിയാനമുണ്ടാക്കുന്നു; ഓരോ കുടുംബത്തിലും മൂന്ന് കുട്ടികള്‍ വേണം; മോഹന്‍ ഭാഗവത്

National
  •  3 days ago
No Image

ഏഷ്യ കപ്പിൽ ഇന്ത്യയുടെ കളി മാറ്റിമറിക്കുക ആ മൂന്ന് താരങ്ങളായിരിക്കും: സെവാഗ്

Cricket
  •  3 days ago
No Image

സഊദിയുടെ തെക്കുപടിഞ്ഞാറന്‍ മേഖലയില്‍ കനത്ത മഴ; അസീറില്‍ മിന്നല്‍ പ്രളയത്തില്‍ കാറുകള്‍ ഒലിച്ചുപോയി

Saudi-arabia
  •  3 days ago
No Image

റോയൽസിനെയും വീഴ്ത്തി കൊച്ചിയുടെ ഹീറോയായി; സഞ്ജുവിന്റെ സ്വപ്ന കുതിപ്പ് തുടരുന്നു

Cricket
  •  3 days ago