ചെന്നൈ: നിയമസഭാ തെരഞ്ഞെടുപ്പിൽ പാർട്ടി സ്ഥാപക നേതാവും നടനുമായ വിജയ് മുഖ്യമന്ത്രി സ്ഥാനാർഥിയാകുമെന്ന് തമിഴക വെട്രി കഴകം (ടിവികെ) വെള്ളിയാഴ്ച പ്രഖ്യാപിച്ചു. 2026 ഏപ്രിൽ/മെയ് മാസങ്ങളിലായി നിയമസഭാ തിരഞ്ഞെടുപ്പ് നടക്കുമെന്ന് പ്രതീക്ഷിക്കുന്നു. ടിവികെ ബിജെപിയുമായി സഖ്യം ചേരുമെന്ന അഭ്യൂഹങ്ങളെയും വിജയ് തള്ളി. ബിജെപി ജനങ്ങളെ ഭിന്നിപ്പിക്കുന്ന പാർട്ടിയാണെന്ന് പറഞ്ഞ വിജയ് പെരിയാറിനെ അപമാനിക്കുന്നവർക്ക് തമിഴ് മണ്ണിൽ ഇടമില്ലെന്നും പ്രഖ്യാപിച്ചു. 

പ്രത്യയശാസ്ത്ര ശത്രുക്കളുമായും വിഘടനവാദികളുമായും നേരിട്ടോ അല്ലാതെയോ സഖ്യം വേണ്ട. മതത്തിന്റെ അടിസ്ഥാനത്തിൽ ബിജെപി ജനങ്ങളെ ഭിന്നിപ്പിക്കുന്നു. രാഷ്ട്രീയ നേട്ടം കൊയ്യുന്നതിനായി ജനങ്ങൾക്കിടയിൽ ഭിന്നത വളർത്തുകയും ചെയ്യുന്നു. അവരുടെ ഇത്തരം വിഷലിപ്തമായ ശ്രമങ്ങൾ എവിടെയും ഫലപ്രദമാകില്ല. തമിഴ്‌നാട്ടിൽ ഒരിക്കലും വിജയിക്കില്ല എന്നും വിജയ് യോഗത്തിൽ പറഞ്ഞു.

ALSO READ: ഇന്ത്യൻ അതിർത്തി കാക്കാൻ 'പറക്കും ടാങ്കുകൾ' എത്തുന്നു; അമേരിക്കൻ നിർമിത അപ്പാച്ചെ ഹെലികോപ്റ്ററുകൾ ഈ മാസം എത്തും

വിജയുടെ നേതൃത്വം അംഗീകരിക്കുന്നവരുമായി മാത്രം സഖ്യം ചേരുമെന്ന് പാർട്ടി നേതാക്കൾ അറിയിച്ചു. രാഷ്ട്രീയ ലാഭത്തിനായി ബിജെപിയുമായി ചേരാൻ ഞങ്ങൾ ഡിഎംകെയോ എഐഎഡിഎംകെയോ അല്ല. ഇത് ടിവികെ ആണ് എന്നും പാർട്ടി അറിയിച്ചു.

വിജയ് യുടെ മുഖ്യമന്ത്രി സ്ഥാനാർത്ഥിത്വം സംബന്ധിച്ച് പാർട്ടിയുടെ എക്സിക്യൂട്ടീവ് കമ്മിറ്റി യോഗത്തിൽ ഒരു പ്രത്യേക പ്രമേയം പാസാക്കി. അടുത്ത മാസം വലിയ തോതിൽ ഒരു സംസ്ഥാന സമ്മേളനം നടത്താനും പാർട്ടി നിർദ്ദേശിച്ചിട്ടുണ്ട്. പാർട്ടിയുടെ പ്രത്യയശാസ്ത്രം പ്രചരിപ്പിക്കുന്നതിനായി ഗ്രാമങ്ങളിൽ പൊതുയോഗങ്ങൾ നടത്താനും തീരുമാനായിട്ടുണ്ട്. സെപ്റ്റംബർ മുതൽ ഡിസംബർ വരെ വിജയ് യുടെ നേതൃത്വത്തിൽ സംസ്ഥാന പര്യടനം നടത്തും.

The Tamilaga Vetri Kazhagam (TVK) on Friday officially announced that party founder and actor Vijay will be its Chief Ministerial candidate for the upcoming 2026 Tamil Nadu Assembly Elections, expected to be held in April or May 2026. Addressing speculation about a possible alliance with the BJP, Vijay firmly denied any such move, stating that the BJP is a divisive party. He further declared that those who insult Periyar will not be tolerated on Tamil soil.