മലപ്പുറം: പൊതുവിദ്യാലയങ്ങളിലെ എൽ.പി, യു.പി അറബിക്, ഹിന്ദി, സംസ്കൃതം, ഉറുദു ഭാഷാധ്യാപക നിയമനത്തിൽ ഇളവ് നൽകുന്നത് സംബന്ധിച്ച് വ്യക്തത വരുത്തി സർക്കാർ. ഇത് തുണയാവുക ആയിരത്തിലേറെ ഉദ്യോഗാർഥികൾക്കാണ്. ഭാഷാധ്യാപക നിയമനത്തിന് അടിസ്ഥാന യോഗ്യതയായ ഡി.എൽ.എഡ് (ഡിപ്ലോമ ഇൻ എലിമെൻ്റെറി എജ്യുക്കേഷൻ) കോഴ്സ് നിർബന്ധമാക്കുമെന്ന ഉത്തരവിലാണ്  സർക്കാർ ഇളവ് നൽകിയിരിക്കുന്നത്. 

പരീക്ഷാഭവൻ നേരിട്ട് നടത്തിയിരുന്ന വിവിധ ഭാഷാധ്യാപക പരീക്ഷകളും അധ്യാപക യോഗ്യതാ പരീക്ഷയായ കെ - ടെറ്റും വിജയിച്ച് നിയമനത്തിൽ അവ്യക്തത നേരിട്ടിരുന്ന ഒട്ടേറെ പേർക്കാർണ് പുതിയ ഉത്തരവ് ആശ്വാസമാകുന്നത്. ഡി.എൽ.എഡ് നിർബന്ധമാക്കി 2019 മാർച്ച് ഏഴിനാണ് ഉത്തരവ് ഇറക്കിയിരുന്നത്. എന്നാൽ, ഈ ഉത്തരവ് ഇറക്കുന്നതിന്  മുമ്പ് അന്ന് നിഷ്കർഷിച്ചിരുന്ന യോഗ്യത നേടിയവർക്ക് നിയമനത്തിൽ ഇളവ് ലഭിക്കുമെന്നാണ്  പുതിയ ഉത്തരവിലുള്ളത്. 2024 ജൂൺ ഒൻപത് വരെയുള്ള കാലയളവിൽ പി.എസ്.സി വിജ്ഞാപനത്തിൻ്റെ അടിസ്ഥാനത്തിൽ സർക്കാർ സ്കൂളുകളിൽ നിയമനം നേടിയവർക്കും എയ്ഡഡ് സ്കൂളിൽ നിയമനം ലഭിച്ചവർക്കും കൂടി ള്ളവ് അനുവദിച്ചിട്ടുണ്ട്.  

ALSO READ: ഡോ. ഹാരിസിന്റെ ആരോപണങ്ങൾ: വിദഗ്ധസമിതി റിപ്പോർട്ട് മന്ത്രിക്ക്, തുടർനടപടികൾ ഉടൻ

മുൻ ഉത്തരവുകളിൽ ഇളവുകൾ സ്പഷ്ടമായി രേഖപ്പെടുത്താത്തതു മൂലം ഭാഷാധ്യാപക നിയമനങ്ങൾക്ക് വിദ്യാഭ്യാസ ഓഫിസർമാർ തടസം നിന്നത് നിരവധി പേരെ വലച്ചിരുന്നു. പരീക്ഷാഭവൻ നേരിട്ട് നടത്തിയ ഭാഷാധ്യാപക കോഴ്സായ അറബിക് ടീച്ചേഴ്സ് എക്സാമിനേഷൻ (എ.ടി. ഇ ) വിജയിച്ച പല ഉദ്യോഗാർഥികൾക്കും ജോലി ചെയ്തതിനുള്ള ദിവസ വേതനം വരെ ചില ഡി.ഇ.ഒ ഓഫിസുകൾ  തടഞ്ഞു വച്ചിരുന്നു. മറ്റു ഭാഷാധ്യാപക പരീക്ഷകൾ വിജയിച്ചവരും സമാന രീതിയിലുള്ള പ്രശ്നങ്ങൾ നേരിട്ടു വരികയായിരുന്നു.

വിവിധ വിഷങ്ങളിൽ പരീക്ഷയും  പരിശീലനവും പൂർത്തിയാക്കി അധ്യാപക യോഗ്യതാ ടെസ്റ്റും വിജയിച്ചിട്ടും നിയമനം   തടഞ്ഞുവയ്ക്കുന്നതിനെതിരേ എ.ടി.ഇ  പരീക്ഷാ ജേതാക്കളുടെ കൂട്ടായ്മ സംഘടിച്ചിരുന്നു. തുടർന്ന് അലി കൊപ്പത്തിൻ്റെ നേതൃത്വത്തിൽ വിദ്യാഭ്യാസ മന്ത്രിയെ നേരിൽ കണ്ട് നിവേദനം സമർപ്പിച്ചതിനു പിന്നാലെയാണ്  പുതിയ ഉത്തരവ് വന്നത്.

The Kerala government has clarified the relaxation in eligibility criteria for LP and UP Arabic, Hindi, Sanskrit, and Urdu language teacher appointments in public schools. This move benefits over a thousand aspirants who can now apply without the mandatory D.El.Ed (Diploma in Elementary Education) qualification. The relaxation is expected to fill the shortage of language teachers in government schools across the state ].