ഡോ. ഹാരിസ് ചിറക്കലിന്റെ ആരോപണങ്ങളെക്കുറിച്ച് അന്വേഷിച്ച് വിദഗ്ധസമിതി തയ്യാറാക്കിയ റിപ്പോർട്ടിൻ മേൽ ആരോഗ്യവകുപ്പ് ഉടൻ തുടർനടപടികൾ സ്വീകരിക്കും. അഡീഷണൽ ചീഫ് സെക്രട്ടറി വഴി ഇന്നലെ വൈകുന്നേരത്തോടെ റിപ്പോർട്ട് മന്ത്രിക്ക് കൈമാറി. മെഡിക്കൽ കോളേജുകളിൽ മരുന്നുകളും ഉപകരണങ്ങളും വാങ്ങുന്നതിനുള്ള നടപടിക്രമങ്ങളിൽ മാറ്റങ്ങൾ വരുത്തേണ്ടതിനെക്കുറിച്ചുള്ള ശുപാർശകൾ റിപ്പോർട്ടിൽ ഉൾപ്പെടുത്തിയിട്ടുണ്ട്.

ALSO READ: തുടർചികിത്സക്കായി മുഖ്യമന്ത്രി അമേരിക്കയിലേക്ക് പുറപ്പെട്ടു

അതേസമയം, ഡോ. ഹാരിസിന്റെ നടപടി സർവിസ് ചട്ടങ്ങളുടെ ലംഘനമാണെന്ന് റിപ്പോർട്ടിൽ പരാമർശിക്കുന്നുണ്ടെങ്കിലും, അദ്ദേഹത്തിനെതിരെ നടപടി ശുപാർശ ചെയ്തിട്ടില്ല. മന്ത്രി ഈ റിപ്പോർട്ടിന്റെ അടിസ്ഥാനത്തിൽ എന്ത് തീരുമാനമെടുക്കുമെന്നതാണ് ഇനി അറിയാനുള്ളത്. അതേസമയം, ഡോക്ടർക്കെതിരെ ആരോഗ്യവകുപ്പ് കർശന നടപടികൾ സ്വീകരിക്കാൻ സാധ്യത കുറവാണ്. പകരം, സർവിസ് ചട്ടങ്ങൾ കർശനമായി പാലിക്കണമെന്ന് നിർദേശിക്കാനാണ് സാധ്യത.

മെഡിക്കൽ കോളേജ് സൂപ്രണ്ടിനും പ്രിൻസിപ്പലിനും കൂടുതൽ സാമ്പത്തിക അധികാരം നൽകണമെന്ന ശുപാർശയും റിപ്പോർട്ടിൽ ഉൾപ്പെടുത്തിയിട്ടുണ്ട്. നാലംഗ വിദഗ്ധസമിതി ബുധനാഴ്ച രാത്രിയാണ് മെഡിക്കൽ വിദ്യാഭ്യാസ ഡയറക്ടർക്ക് ഈ റിപ്പോർട്ട് സമർപ്പിച്ചത്.

The Health Department is set to take further action based on the report submitted by an expert committee investigating allegations made by Dr. Harris Chirakkal. The report, handed over to the Minister via the Additional Chief Secretary, includes recommendations on modifying procedures for purchasing medicines and equipment in medical colleges. The department will review the findings and implement necessary changes accordingly [ ].