ഫ്ലോറിഡ: പൊരുതി കളിച്ചിട്ടും സൗദി അറേബ്യൻ ലീഗിലെ വമ്പൻമാരായ അൽ ഹിലാൽ ലോക ക്ലബ് ലോകകപ്പിന്റെ സെമി കാണാതെ പുറത്ത്. ക്വർട്ടറിൽ ഒന്നിനെതിരെ രണ്ട് ഗോളുകൾക്ക് തോൽപ്പിച്ച് ബ്രസീലിൽനിന്നുള്ള ഫ്ലുമിനൻസ് ഫിഫ ക്ലബ് ലോകകപ്പ് സെമിഫൈനലിൽ പ്രവേശിച്ചു. ഫ്ലോറിഡയിലെ ഓർലാൻഡോയിൽ ഇന്ന് പുലർച്ചെ നടന്ന ക്വാർട്ടർ ഫൈനൽ പോരാട്ടത്തിൽ ഇരു ടീമുകളും ഒന്നിനൊന്നു മെച്ചപ്പെട്ട പ്രകടനം ആണ് കാഴ്ചവച്ചത്.  

മാത്യൂസ് മാർട്ടിനെല്ലി (40), ഹെർക്കുലീസ്(70) എന്നിവർ ആണ് ബ്രസീലിയൻ ക്ലബിന്‌ വേണ്ടി ഗോൾ അടിച്ചത്. മാർക്കസ് ലിയോനാർഡോ (54)യുടെ വകയാണ് ഹിലാലിന്റെ ആശ്വാസഗോൾ.

നേരത്തെ ജോവോ കാൻസലോയുടെ പ്രതിരോധത്തിലെ പിഴവ് മുതലെടുത്ത് ഗബ്രിയേൽ ഫ്യൂൻ്റസ് നൽകിയ പാസിൽനിന്നാണ് ആദ്യ പകുതിയിൽ തന്നെ മാത്യൂസ് മാർട്ടിനെല്ലി ഫ്ലുമിനൻസിനെ മുന്നിലെത്തിച്ചത്. മാർട്ടിനെല്ലിയുടെ ഇടംകാൽ ഷോട്ട് ഹിലാലിന്റെ വലയുടെ മുകളിലേക്ക് കയറുകയായിരുന്നു. (1- 0)

രണ്ടാം പകുതിയിൽ അൽ ഹിലാൽ സർവ്വ ശക്തിയും ഉപയോഗിച്ച് പോരാട്ടം തുടങ്ങി. ഇതിനു രണ്ടാം പകുതിയുടെ ഒൻപതാം മിനിറ്റിൽ ഫലവും കണ്ടു. സൂപ്പർ താരം കലിദു കൂലിബാലിയുടെ ഹെഡ്ഡർ ഗോൾമുഖത്ത് ഉണ്ടാക്കിയ കൂട്ടപ്പൊരിച്ചിലിന് ഒടുവിൽ പന്ത് കിട്ടിയ മാർക്കസ് ലിയോനാർഡോ വലയിലേക്ക് കോരിയിടുക ആയിരുന്നു. (മത്സരം 1-1 സമനിലയിൽ).

15 മിനിറ്റ് കഴിഞ്ഞപ്പോഴേക്കും ഫ്ലുമിനൻസ് ലീഡ് തിരിച്ചുപിടിച്ചു. 

പകരക്കാരനായി വന്ന ഹെർക്കുലീസ് ആണ് ഫ്ലുമിനൻസിൻ്റെ രക്ഷകനായത്. ബോക്സിനുള്ളിൽ വെച്ച് പന്ത് മനോഹരമായി നിയന്ത്രിച്ച ശേഷം പന്ത് വലയുടെ മൂലയിലേക്ക് പ്ലേസ് ചെയ്യുകയായിരുന്നു. (2- 1). ഇതേ ലീഡ് സഹിതം മത്സരം പൂർത്തിയാവുകയും ചെയ്തു.

ബുധനാഴ്ച്ച നടക്കുന്ന സെമിയിൽ ചെൽസി ആണ് ക്ലബിന്റെ എതിരാളി.

Brazilian side Fluminense beat Saudi club Al Hilal 2-1 in the quarterfinals of the Club World Cup, booking a place in the last four against either Chelsea or Palmeiras.

Matheus Martinelli gave Fluminense the lead close to halftime at the Camping World Stadium in Orlando, but Al Hilal equalised early in the second half as Marcos Leonardo grabbed his fourth of the tournament.