കീവ്/ മോസ്‌കോ: യു.എസ് പ്രസിഡന്റിന്റെ വെടിനിര്‍ത്തല്‍ കരാര്‍ തള്ളിയ റഷ്യ ഉക്രൈനില്‍ ആക്രമണം ശക്തിപ്പെടുത്തി. യു.എസ് പ്രസിഡന്റ് ഡൊണാള്‍ഡ് ട്രംപും റഷ്യന്‍ പ്രസിഡന്റ് വ്ളാദിമിര്‍ പുടിനും ടെലിഫോണില്‍ ചര്‍ച്ച നടത്തി മണിക്കൂറുകള്‍ക്കകം ആണ് ആക്രമണം ശക്തിപ്പെടുത്തിയത്.

റഷ്യയില്‍ നിന്ന് 550 ഡ്രോണുകളും 11 മിസൈലുകളും ഉക്രൈനിലേക്ക് വന്നതായും ഒരാള്‍ കൊല്ലപ്പെട്ടെന്നും ഉക്രൈന്‍ സൈന്യം അറിയിച്ചു. 26 പേര്‍ക്ക് പരുക്കേറ്റു. കീവിലെ മിക്ക ജില്ലകളിലും ആക്രമണമുണ്ടായി. ട്രംപും- പുടിനും തമ്മിലുള്ള കൂടിക്കാഴ്ച കഴിഞ്ഞതോടെ നിരാശാജനകം എന്ന് യു.എസ് പ്രതികരിച്ചിരുന്നു. ലക്ഷ്യം നേടുംവരെ യുദ്ധം തുടരുമെന്ന് റഷ്യ പറഞ്ഞു.

റഷ്യ അയച്ച 550 ഡ്രോണുകളില്‍ 37 എണ്ണമാണ് വ്യോമാതിര്‍ത്തിയില്‍ പ്രവേശിച്ചതെന്ന് ഉക്രൈന്‍ സൈന്യം അവകാശപ്പെട്ടു. കഴിഞ്ഞ ശനിയാഴ്ചയും 537 ഡ്രോണുകള്‍ റഷ്യ ഉക്രൈനിലേക്ക് അയച്ചിരുന്നു.

കഴിഞ്ഞ ദിവസം റഷ്യയുടെ ഡെപ്യൂട്ടി കമാന്‍ഡറെ ഉക്രൈന്‍ കൊലപ്പെടുത്തിയിരുന്നു. ഇതോടെയാണ് റഷ്യ ആക്രമണം കടുപ്പിച്ചത്. എന്നാല്‍ യുദ്ധം അവസാനിപ്പിക്കാന്‍ റഷ്യക്ക് താല്‍പര്യമില്ലെന്ന് അവര്‍ ഒരിക്കല്‍കൂടി വ്യക്തമാക്കിയിരിക്കുന്നുവെന്ന് ഉക്രൈന്‍ പ്രസിഡന്റ് വ്‌ളോദിമിര്‍ സെലന്‍സ്‌കി പറഞ്ഞു.

The strikes came hours after a call between US President Donald Trump and Russia's Vladimir Putin, after which Trump said he was "disappointed" that Putin was not ready to end the war against Ukraine