സാംബാൽ (യുപി): മീററ്റ്-ബദൗൺ ദേശീയപാതയിൽ ജുനവായ് പട്ടണത്തിന് സമീപം വിവാഹം കഴിഞ്ഞ് മടങ്ങുന്നതിനിടെയുണ്ടായ വാഹനാപകടത്തിൽ വരനടക്കം എട്ട് പേർ മരിച്ചു. ഹർഗോവിന്ദ്പൂർ ഗ്രാമത്തിൽ നിന്ന് 10 പേരുമായി സഞ്ചരിച്ചിരുന്ന മഹീന്ദ്ര ബൊലേറോ എസ്‌യുവി വാഹനം ജനത ഇന്റർ കോളേജിന്റെ മതിലിൽ ഇടിച്ചുകയറിയാണ് അപകടം ഉണ്ടായത്. ഇന്നലെ വൈകുന്നേരമാണ് അപകടം നടന്നത്.  ദുരന്തത്തിൽ വാഹനം പൂർണമായും തകർന്നു.

മരിച്ചവരിൽ വരൻ സൂരജ് പാൽ (20), രവി (28), ആശ (26), സച്ചിൻ (22), മധു (20), കോമൾ (15), ഐശ്വര്യ (3), ഗണേഷ് (2) എന്നിവർ ഉൾപ്പെടുന്നു. ബദൗൺ ജില്ലയിലെ സിർസോൾ ഗ്രാമത്തിലേക്ക് വിവാഹ ഘോഷയാത്രയുമായി പോകുകയായിരുന്നു വാഹനം. അമിതവേഗതയിൽ സഞ്ചരിച്ച വാഹനം ഡ്രൈവർക്ക് നിയന്ത്രണം നഷ്ടപ്പെട്ട് മതിലിൽ ഇടിച്ചതാണ് അപകടകാരണമെന്ന് ദൃക്‌സാക്ഷികൾ പറഞ്ഞു. ആഘാതത്തിൽ കോളേജിന്റെ മതിൽ ഭാഗികമായി തകർന്നു.

പ്രദേശവാസികൾ ഓടിയെത്തി രക്ഷാപ്രവർത്തനം ആരംഭിച്ചെങ്കിലും, വാഹനത്തിന്റെ അവശിഷ്ടങ്ങൾക്കിടയിൽ കുടുങ്ങിയവരെ പുറത്തെടുക്കാൻ ഏറെ പ്രയാസപ്പെട്ടു. ജെസിബി ഉപയോഗിച്ച് വാഹനം മുറിച്ചാണ് ചിലരെ പുറത്തെടുത്തത്. പരുക്കേറ്റവരെ അടുത്തുള്ള കമ്മ്യൂണിറ്റി ഹെൽത്ത് സെന്ററിലേക്ക് എത്തിച്ചെങ്കിലും എട്ട് പേർ മരിച്ചതായി ഡോക്ടർമാർ സ്ഥിരീകരിച്ചു. ഗുരുതരമായി പരുക്കേറ്റ ഹിമാൻഷി, ദേവ എന്നിവരെ ഉന്നത ചികിത്സയ്ക്കായി മറ്റൊരു മെഡിക്കൽ സെന്ററിലേക്ക് മാറ്റി.

“വാഹനം പൂർണമായും തകർന്നിരുന്നു. ചിലർ അവശിഷ്ടങ്ങൾക്കിടയിൽ കുടുങ്ങിയിരുന്നു. ജെസിബിയുടെ സഹായത്തോടെയാണ് രക്ഷാപ്രവർത്തനം നടത്തിയത്,” ജുനവായ് നിവാസി രാജു യാദവ് പറഞ്ഞു. പരുക്കേറ്റ രണ്ട് പേരെ ഉന്നത ചികിത്സയ്ക്കായി മാറ്റി. പോസ്റ്റ്‌മോർട്ടം നടപടികൾ പുരോഗമിക്കുകയാണ്,” സാംബാൽ പൊലീസ് സൂപ്രണ്ട് കൃഷൻ കുമാർ ബിഷ്‌ണോയ് അറിയിച്ചു.

A tragic accident in Sambhal, Uttar Pradesh, claimed eight lives when a Mahindra Bolero carrying a wedding party crashed into a college wall on the Meerut-Badaun highway. The victims included the groom, a teenager, and two young children. The vehicle, traveling at high speed, lost control, causing a severe collision that destroyed the SUV and damaged the wall. Two others were seriously injured and shifted to a medical facility