കൊച്ചി: സ്വര്‍ണവില ഇന്ന് കുത്തനെ ഇടിഞ്ഞു. ആഗോള വിപണിയില്‍ സ്വര്‍ണവില കുറഞ്ഞതിനെ തുടര്‍ന്നാണ് കേരളത്തിലും വില താഴ്ന്നതെന്നാണ് സൂചന. കഴിഞ്ഞ ദിവസം വിലയില്‍ വര്‍ധനയായിരുന്നു. അതിന് തൊട്ടുമുന്‍പത്തെ ദിവസമാകട്ടെ വിലയില്‍ ഇടിവും രേഖപ്പെടുത്തി. അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് ഉയര്‍ത്തുന്ന താരിഫ് ഭീഷണിയാണ് വിപണിയിലെ ചാഞ്ചാട്ടത്തിന് പ്രധാന കാരണമെന്നാണ് സൂചന. 

ബ്രിക്സുമായി സഹകരിക്കുന്ന എല്ലാ രാജ്യങ്ങളുടെയും ഉല്‍പ്പന്നങ്ങള്‍ക്ക് അധിക തീരുവ ചുമത്തുമെന്ന് അമേരിക്ക വ്യക്തമാക്കിയിട്ടുണ്ട്. നേരത്തെ തന്നെ തീരുവ യുദ്ധത്തിന് ട്രംപ് തുടക്കിട്ടത് വിപണിയെ ഉലച്ചിരുന്നു. ഇന്ത്യ ഉള്‍പ്പെടെയുള്ള ബ്രിക്‌സ് രാജ്യങ്ങളെയാണ് ട്രംപ് വീണ്ടും ഭീഷണിപ്പെടുത്തിയിരിക്കുന്നത്.

ALSO READ: സ്വര്‍ണമോ ഓഹരിയോ..ഏതാണ് സുരക്ഷിത നിക്ഷേപം, ലാഭകരവും; അറിഞ്ഞിരിക്കാം ഇക്കാര്യങ്ങള്‍ 

ട്രംപ് അധികാരത്തിലെത്തിയ ശേഷം അമേരിക്കയുടെ വിപണിയിലും ആശങ്കയാണ് നിലനില്‍ക്കുന്നത്. അമേരിക്കയുമായി എല്ലാ രാജ്യങ്ങള്‍ക്കും വ്യാപാര ബന്ധമുള്ളതിനാല്‍ ഇതിന്റെ അലയൊലികള്‍ ആഗോളതലത്തില്‍ വ്യാപിക്കുകന്നുവെന്നതാണ് ആശങ്ക ഉയരാനുള്ള മറ്റൊരു കാരണം. ട്രംപിന്റെ നയങ്ങളിലെ ആശയക്കുഴപ്പം ലോകരാജ്യങ്ങളെ പ്രതിസന്ധിയിലാക്കുന്നുമുണ്ട്. ലോക വ്യാപാരം ഡോളറില്‍ ആളയതിനാല്‍ എല്ലാ കറന്‍സികളുടെയും വിനിമയ നിരക്കിനെയും ബാധിക്കുന്നു.

ഇന്നത്തെ സ്വര്‍ണവില അറിയാം

കേരളത്തില്‍ ഇന്ന് ഒരു പവന്‍ സ്വര്‍ണത്തിന് 480 രൂപയാണ് കുറഞ്ഞത്. 72000 രൂപയാണ് പവന്റെ വില. 22 കാരറ്റ് സ്വര്‍ണത്തിനാണ് ഈ വില. സാധാരണ ഗതിയില്‍ ഏറ്റവും കൂടുതല്‍ ആളുകള്‍ വാങ്ങുന്നത് 22 കാരറ്റ് സ്വര്‍ണമാണ്. ഗ്രാമിന് 60 രൂപ താഴ്ന്ന് 9,000 രൂപയായിട്ടുണ്ട്. അതേസമയം, 18 കാരറ്റ് സ്വര്‍ണം ഗ്രാമിന് 49രൂപ താഴ്ന്ന് 7364 രൂപയായി. 

ALSO READ: ഇപ്പോള്‍ വാങ്ങി വെച്ചോളൂ....ഭാവിയില്‍ നേട്ടം കൊയ്യാം; പാവപ്പെട്ടവരുടെ ഡയമണ്ടിനുണ്ട് നേട്ടമേറെ

വില വിവരം അറിയാം
24 കാരറ്റ്
ഗ്രാമിന് 66 രൂപ കുറഞ്ഞു 9,818
പവന് 528 രൂപ കുറഞ്ഞു 78,544

22കാരറ്റ്
ഗ്രാമിന് 60 രൂപ കുറഞ്ഞു 9,000
പവന് 480 രൂപ കുറഞ്ഞു 72,000

18 കാരറ്റ്
ഗ്രാമിന് 49 രൂപ കുറഞ്ഞു 7,364
പവന് 392 രൂപ കുറഞ്ഞു 58,912

ആഭരണം വാങ്ങുമ്പോള്‍ എത്ര നല്‍കണം
22 കാരറ്റ് സ്വര്‍ണത്തിന്റെ വിലയാണ് 72,000 രൂപ. ആഭരണമാവുമ്പോള്‍ ഇത് ഇനിയും കൂടും. 22 കാരറ്റ് സ്വര്‍ണം പവന് 79000 രൂപ വരെ ചെലവ് വരുമെന്നാണ് വ്യാപാരികള്‍ പറയുന്നത്. കുറഞ്ഞ പണിക്കൂലിയായ അഞ്ച് ശതമാനത്തില്‍ കണക്കാക്കുമ്പോഴാണിത്. അതേസമയം, കൂടുതല്‍ ഡിസൈന്‍ ഉള്ള ആഭരണങ്ങള്‍ക്ക് പണിക്കൂലി വീണ്ടും കൂടും. അപ്പോള്‍ ആഭരണങ്ങളുടെ വിലയും വര്‍ധിക്കും. പണിക്കൂലിക്ക് പുറമെ മൂന്ന് ശതമാനം ജി.എസ്.ടിയും ഹാള്‍മാര്‍ക്കിങ് ചാര്‍ജും ഉപഭോക്താവ് നല്‍കേണ്ടതുണ്ട്.