ബെംഗളൂരു: ഉറക്കത്തിന്റെ പ്രാധാന്യം വെളിവാക്കുന്നതിനായി വേക്ക്ഫിറ്റ് ഇന്നൊവേഷൻസ് ലിമിറ്റഡ് എന്ന കമ്പനി സംഘടിപ്പിച്ച 60 ദിവസത്തെ സ്ലീപ്പ് ഇന്റേൺഷിപ്പിന്റെ നാലാം പതിപ്പിൽ പൂനെയിൽ നിന്നുള്ള ഐപിഎസ് ഉദ്യോഗാർത്ഥിയായ പൂജ മാധവ് വാവ്ഹൽ 'സ്ലീപ്പ് ചാമ്പ്യൻ ഓഫ് ദി ഇയർ' കിരീടം നേടി. എല്ലാ രാത്രിയും ശരാശരി 9 മണിക്കൂർ ഉറങ്ങി 14 ഫൈനലിസ്റ്റുകളെ മറികടന്ന് 91.36 എന്ന മികച്ച സ്കോർ നേടിയ പൂജ, 9.1 ലക്ഷം രൂപയുടെ ക്യാഷ് പ്രൈസും സ്വന്തമാക്കി.

 

 

2019-ൽ ആരംഭിച്ച ഈ ഇന്റേൺഷിപ്പ്, ഇന്ത്യയിൽ വർദ്ധിച്ചുവരുന്ന ഉറക്കക്കുറവിനെക്കുറിച്ച് അവബോധം സൃഷ്ടിക്കുകയാണ് ലക്ഷ്യം. ഒരു ലക്ഷത്തിലധികം അപേക്ഷകരിൽ നിന്ന് 15 പേരെ മാത്രമാണ് ഈ വർഷം ഷോർട്ട്‌ലിസ്റ്റ് ചെയ്തത്. തിരഞ്ഞെടുക്കപ്പെട്ടവർക്ക് വേക്ക്ഫിറ്റിന്റെ മെത്തയും കോൺടാക്റ്റ്‌ലെസ് സ്ലീപ്പ് ട്രാക്കറായ ട്രാക്ക് 8-ഉം നൽകി, അവരുടെ ഉറക്ക ശീലങ്ങൾ 60 ദിവസത്തേക്ക് നിരീക്ഷിച്ചിക്കുകയും ചെയ്തു.

രസകരമായ വെല്ലുവിളികൾ, കർശനമായ മാനദണ്ഡങ്ങൾ

ഇന്റേൺഷിപ്പിനിടെ, ഉറക്കം മെച്ചപ്പെടുത്തുന്ന വർക്ക്‌ഷോപ്പുകളിലും ദൈനംദിന വെല്ലുവിളികളിലും മത്സരാർത്ഥികൾ പങ്കെടുത്തു. കണ്ണടച്ച് കിടക്ക തയ്യാറാക്കൽ, അലാറം ക്ലോക്ക്,  അന്തിമ "സ്ലീപ്പ്-ഓഫ്" തുടങ്ങിയ രസകരമായ മത്സരങ്ങൾ അവരുടെ അച്ചടക്കവും സ്ഥിരതയും പരീക്ഷിച്ചു. ഫൈനൽ എപ്പിസോഡുകൾ അവതരിപ്പിച്ചത് പ്രശസ്ത സ്റ്റാൻഡ്-അപ്പ് കൊമേഡിയൻ എംഡി അനസ് ആയിരുന്നു.  മറ്റു മത്സരാർത്ഥികൾക്ക് അവരുടെ പരിശ്രമത്തിന് ഒരു ലക്ഷം രൂപ വീതം ലഭിച്ചു. എന്നാൽ, ഉറക്ക സ്കോറിൽ മികവ് പുലർത്തിയ പൂജ മാധവാണ്, 9.1 ലക്ഷം രൂപയും കിരീടവും നേടി വിജയിയായത്.

സീസൺ 5-ന് തയ്യാറെടുപ്പ്

വേക്ക്ഫിറ്റ് സ്ലീപ്പ് ഇന്റേൺഷിപ്പ് ഇപ്പോൾ ഇന്ത്യയിലെ ഏറ്റവും ജനപ്രിയമായ ബ്രാൻഡ് സംരംഭങ്ങളിലൊന്നാണ്. കഴിഞ്ഞ നാല് സീസണുകളിൽ 10 ലക്ഷത്തിലധികം അപേക്ഷകൾ ലഭിച്ചു, 65 ഇന്റേണുകൾക്ക് ഒരു ലക്ഷം രൂപ വീതം സ്റ്റൈപ്പൻഡ് ലഭിച്ചു. സീസൺ 5-നുള്ള പ്രീ-രജിസ്ട്രേഷൻ ആരംഭിച്ചതായി കമ്പനി പ്രഖ്യാപിച്ചു. താൽപ്പര്യമുള്ളവർക്ക് വേക്ക്ഫിറ്റിന്റെ വെബ്‌സൈറ്റിൽ https://www.wakefit.co/sleepintern/ അപേക്ഷിക്കാം.

"നല്ല ഉറക്കം ആരോഗ്യകരമായ ജീവിതത്തിന്റെ അടിസ്ഥാനമാണ്. പൂജയെപ്പോലുള്ളവർ  ഈ ആശയം സ്വീകരിക്കുന്നത് കാണുന്നത് പ്രചോദനം നൽകുന്നു," വേക്ക്ഫിറ്റ് ഡയറക്ടറും സഹസ്ഥാപകനുമായ ചൈതന്യ രാമലിംഗഗൗഡ പറഞ്ഞു.

Pooja Madhav Wavhal from Pune won ₹9.1 lakh and the 'Sleep Champion' title in Wakefit's 60-day Sleep Internship, sleeping 9 hours nightly. The program, aimed at raising sleep awareness, shortlisted 15 from over a lakh applicants. Season 5 pre-registration is now open