നമ്മുടെ വീടിന്റെ മുറ്റത്തും വഴിയോരങ്ങളിലും പറമ്പിലുമൊക്കെ ധാരാളമായി കാണാറുണ്ട് തൊട്ടാവാടി. ഈ സസ്യം കണ്ടാല്‍ നമ്മള്‍ ഓടിച്ചെന്ന് തൊട്ടു നോക്കും അത് കൂമ്പിപ്പോവുന്നത് കാണാന്‍. തൊട്ടാലുടന്‍ ഇലകള്‍ കൂമ്പിപ്പോകുന്നതു കൊണ്ടാണ് ഇതിന് തൊട്ടാവാടി എന്ന പേരു വന്നത്. ഇതിന്റെ ഒരു പ്രത്യേകത, നൈട്രജന്‍ കൂടുതലായി മണ്ണിലെത്തിക്കുന്ന സസ്യമാണ് എന്നതാണ്. 

എന്നാല്‍ തൊട്ടാവാടിയെ അത്ര നിസാരക്കാരനായി കാണരുത്. നിരവധി രോഗങ്ങള്‍ക്ക് പരിഹാരം കാണുവാനും തൊട്ടാവാടിക്കു കഴിയും. ഇതിന്റെ എല്ലാ ഭാഗങ്ങളും മുഴുവനായും അതായത് ഇലകളും വേരും പൂവും എല്ലാം ഉപയോഗ യോഗ്യമാമെന്ന് എന്നു പറയുന്നു. 
അലര്‍ജി മുതല്‍ കാന്‍സര്‍ വരെയുള്ള ചികിത്സയില്‍ ഇവ ഉപയോഗിക്കാറുണ്ട്.

എന്നാല്‍ ഇതിന്റെ ജ്യൂസും വളരെ നല്ലതാണ്. രാവിലെയും വൈകുന്നേരവും ഇതു കഴിച്ചാല്‍ പഞ്ചസാരയുടെ ലെവല്‍ താഴ്ന്ന് വരുകയും ബിപിയും ഹൈപ്പര്‍ ടെന്‍ഷനും കുറയുകയും ചെയ്യുന്നതാണ്. 
ആസ്ത്മാ രോഗികള്‍ ചൂടുവെള്ളത്തില്‍ ഇതിന്റെ ജ്യൂസ് ഒഴിച്ച് രണ്ട് മണിക്കൂര്‍ ഇടവിട്ട് കഴിച്ചാല്‍ ആസ്ത്മാ പ്രശ്‌നങ്ങള്‍ക്കും പരിഹാരമാവും. 

പേരക്കാ ഇല, കറിവേപ്പില എന്നിവ ചേര്‍ത്ത ഗോതമ്പു കഞ്ഞിയില്‍ തൊട്ടാവാടി ജ്യൂസ് ചേര്‍ത്ത് കഴിച്ചാല്‍ കൊളസ്‌ട്രോള്‍ കണ്‍ട്രോള്‍ ചെയ്യാവുന്നതാണ്. അതുപോലെ ശ്വസന സംബന്ധമായ പ്രശ്‌നങ്ങള്‍ക്കും തൊട്ടാവാടിയുടെ ഇല പിഴിഞ്ഞെടുത്ത് കരിക്കിന്‍ വെള്ളത്തില്‍ ചേര്‍ത്ത് സേവിക്കുന്നതും നല്ലതാണ്. സന്ധി വേദനയുണ്ടെങ്കില്‍ ഇത് അരച്ചു പുരട്ടുന്നതും ഗുണം ചെയ്യും.

മുറിവുകള്‍ പെട്ടെന്നു ഭേദമാക്കാനും ഇതിന്റെ ഇലകള്‍ അരച്ച് പുരട്ടുന്നത് നല്ലതാണ്. 
വയറിളക്കത്തിനും പനിക്കും തൊട്ടാവാടി കഷായം ഉപയോഗിക്കുമെന്ന് നാട്ടുവൈദ്യന്‍മാരും പറയുന്നു. അതുപോലെ മൂത്രാശയ സംബന്ധമായ രോഗങ്ങള്‍ അകറ്റുവാനും തൊട്ടാവാടിയുടെ നീര് മികച്ചതാണ്. ആടുകളുടെ പ്രധാന തീറ്റയാണ് തൊട്ടാവാടി.