ദുബൈ: ദുബൈ മെട്രോ ബ്ലൂ ലൈനിന്റെ നിർമ്മാണ പ്രവർത്തനങ്ങൾ ആരംഭിക്കുന്നതിനോടനുബന്ധിച്ച്, മിർദിഫിൽ താൽക്കാലിക ഗതാഗത വഴിതിരിച്ചുവിടലുകൾ പ്രഖ്യാപിച്ചിരിക്കുകയാണ് ദുബൈ റോഡ്സ് ആൻഡ് ട്രാൻസ്പോർട്ട് അതോറിറ്റി (ആർ‌ടി‌എ). വാഹനമോടിക്കുന്നവർ അവരുടെ യാത്രകൾ മുൻകൂട്ടി ആസൂത്രണം ചെയ്യുകയും സുഗമമായ യാത്ര ഉറപ്പാക്കാൻ ബദൽ റൂട്ടുകൾ ഉപയോഗിക്കുകയും ചെയ്യണമെന്നും നിർദ്ദേശിച്ചിട്ടുണ്ട്.

പ്രധാന ഗതാഗത മാറ്റങ്ങൾ

1) 5-ാം സ്ട്രീറ്റും 8-ാം സ്ട്രീറ്റും ചേരുന്ന സിറ്റി സെന്റർ മിർദിഫിന് സമീപമുള്ള റൗണ്ട്എബൗട്ട് അടച്ചിടും. ഇതിനായി ഒരു ഡൈവേർഷൻ ഏർപ്പെടുത്തിയിട്ടുണ്ട്:

2) 5-ാം സ്ട്രീറ്റിൽ നിന്നുള്ള ഗതാഗതം 8-ാം സ്ട്രീറ്റിലേക്ക് സിറ്റി സെന്റർ മിർദിഫിന്റെ ദിശയിലേക്ക് തിരിച്ചുവിടും.

3) 8-ാം സ്ട്രീറ്റിൽ നിന്നുള്ള വാഹനങ്ങൾ 5-ാം സ്ട്രീറ്റിലേക്ക് ഡൈവേർട്ട് ചെയ്യും.

4) മാൾ സന്ദർശകർക്കായി പാർക്കിംഗ് ഏരിയയിലേക്ക് പ്രവേശിക്കാൻ പുതിയ ഒരു റോഡ് ഒരുക്കിയിട്ടുണ്ട്.

5) സിറ്റി സെന്റർ മിർദിഫ് സ്ട്രീറ്റിൽ നിന്ന് വരുന്ന ഗതാഗതം, സുഗമമാക്കുന്നതിനായി ഘൂറൂബ് സ്‌ക്വയറിന് സമീപം ഒരു യു-ടേൺ ഏർപ്പെടുത്തിയിട്ടുണ്ട്.

നിർമാണ കാലയളവിൽ ഡൈവേർഷനുകളെക്കുറിച്ച് അറിഞ്ഞിരിക്കാനും ബദൽ മാർ​ഗങ്ങൾ പരിഗണിക്കാനും RTA ഡ്രൈവർമാരോട് അഭ്യർത്ഥിച്ചു.

Dubai's Roads and Transport Authority (RTA) has introduced temporary traffic diversions in Mirdif due to the start of construction on the Dubai Metro Blue Line. Motorists are advised to plan their journeys in advance and use alternative routes to ensure smooth travel during the construction period.