തൃശൂർ: കേന്ദ്രമന്ത്രി സുരേഷ് ഗോപി, കേന്ദ്ര ആഭ്യന്തര മന്ത്രി അമിത് ഷാ പങ്കെടുത്ത ബി.ജെ.പി പരിപാടികളിൽ നിന്ന് വിട്ടുനിന്നതായി റിപ്പോർട്ട്. പുതിയ ഭാരവാഹി പട്ടികയിൽ തൃശൂർ ജില്ലാ പ്രസിഡന്റായിരുന്ന കെ.കെ. അനീഷ് കുമാറിനെ ജനറൽ സെക്രട്ടറിയാക്കാത്തതിൽ സുരേഷ് ഗോപിക്ക് അതൃപ്തിയുള്ളതായി സൂചന. അദ്ദേഹത്തിന്റെ അടുപ്പക്കാരായ പി.ആർ. ശിവശങ്കരൻ, ഉല്ലാസ് ബാബു, യുവരാജ് ഗോകുൽ എന്നിവരെ പരിഗണിക്കാത്തതും അതൃപ്തിക്ക് കാരണമായി.

തൃശൂരിൽ പുത്തരിക്കണ്ടം മൈതാനിയിൽ നടന്ന വാർഡ് തല ഭാരവാഹികളുടെ പൊതുസമ്മേളനത്തിലും പുതിയ ഓഫീസ് ഉദ്ഘാടനത്തിലും സുരേഷ് ഗോപി പങ്കെടുത്തില്ല. ഇതിനായി അദ്ദേഹം നേരത്തേ അമിത് ഷായിൽ നിന്ന് അനുമതി വാങ്ങിയിരുന്നതായി അടുത്ത വൃത്തങ്ങൾ വ്യക്തമാക്കി. എന്നാൽ, കോട്ടയത്തും കൊച്ചിയിലും നടന്ന പരിപാടികളിൽ സുരേഷ് ഗോപി ഇന്ന് പങ്കെടുത്തു. ഇന്നലെ തിരുവനന്തപുരത്ത് നടന്ന രണ്ട് പരിപാടികളിലും അദ്ദേഹം സന്നിഹിതനായിരുന്നു.

ALSO READ: ഗോരഖ്പൂർ മെഡിക്കൽ കോളേജിലെ മലയാളി ഡോക്ടറുടെ മരണം: ആത്മഹത്യയെന്ന് പ്രാഥമിക നിഗമനം; മകൻ ആത്മഹത്യ ചെയ്യേണ്ട യാതൊരു സാഹചര്യവും കുടുംബത്തിലില്ലെന്ന് പിതാവ്

വെള്ളിയാഴ്ച രാത്രി പത്തരയോടെ അമിത് ഷായെ സ്വീകരിക്കാൻ സുരേഷ് ഗോപി എയർപോർട്ടിലെത്തിയിരുന്നെങ്കിലും, വൈകുമെന്നറിഞ്ഞ് മടങ്ങുകയായിരുന്നു. രണ്ട് ദിവസത്തെ സന്ദർശനത്തിനായി വെള്ളിയാഴ്ച കേരളത്തിലെത്തിയ അമിത് ഷാ, പുതിയ ഓഫീസ് കെട്ടിടത്തിന്റെ ഉദ്ഘാടനത്തിന് ശേഷം ബി.ജെ.പി-ആർ.എസ്.എസ് നേതാക്കളുമായി കൂടിക്കാഴ്ച നടത്തി.

Union Minister Suresh Gopi reportedly skipped events attended by Home Minister Amit Shah in Kerala, signaling discontent with the new BJP office-bearers list. Gopi's absence from key programs in Thrissur and dissatisfaction over the exclusion of his close associates, including K.K. Aneesh Kumar, from prominent roles highlight underlying tensions