പെരിന്തല്‍മണ്ണ: പാലക്കാട് മണ്ണാര്‍ക്കാട് 58 കാരന്റെ മരണം നിപ മൂലമെന്ന് സ്ഥിരീകരണം. മഞ്ചേരി മെഡിക്കല്‍ കോളജില്‍ നടത്തിയ പ്രാഥമിക പരിശോധനയിലാണ് കുമരംപുത്തൂര്‍ സ്വദേശിയായ വയോധികന് രോഗബാധ സ്ഥിരീകരിച്ചത്. രോഗ ലക്ഷണങ്ങളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ച ഇയാള്‍ ഇന്ന് വൈകുന്നേരം 5 മണിയോടെയാണ് മരിച്ചത്. 

വൈറസ് സ്ഥിരീകരിച്ചതോടെ ആരോഗ്യ വകുപ്പ് ജാഗ്രത നിര്‍ദ്ദേശം പുറപ്പെടുവിച്ചിട്ടുണ്ട്. മരണപ്പെട്ടയാളുടെ സമ്പര്‍ക്ക പട്ടിക തയ്യാറാക്കാനുള്ള ശ്രമങ്ങളാരംഭിച്ചിട്ടുണ്ട്.

ALSO READ: പ്രത്യേക മഴ മുന്നറിയിപ്പ്; ഇന്ന് രാത്രി ഈ ജില്ലകളില്‍ ഓറഞ്ച് അലര്‍ട്ട്; കനത്ത മഴക്ക് സാധ്യത

അതേസമയം നിലവില്‍ സംസ്ഥാനത്ത് നിപ സമ്പര്‍ക്കപ്പട്ടികയില്‍ 497 പേരാണുള്ളതെന്ന് ആരോഗ്യ മന്ത്രി നേരത്തെ അറിയിച്ചിരുന്നു. പുതിയ മരണം റിപ്പോര്‍ട്ട് ചെയ്ത സാഹചര്യത്തില്‍ ഇത് കൂടാന്‍ സാധ്യതയുണ്ട്. മലപ്പുറം ജില്ലയില്‍ 203 പേരും, കോഴിക്കോട് 114 പേരും, പാലക്കാട് 178 പേരും, എറണാകുളത്ത് 2 പേരുമാണ് ഇപ്പോള്‍ നിരീക്ഷണത്തില്‍ കഴിയുന്നത്. സംസ്ഥാനത്ത് ആകെ 14 പേര്‍ ഹൈയസ്റ്റ് റിസ്‌ക് പട്ടികയിലും, 82 പേര്‍ ഹൈ റിസ്‌ക് വിഭാഗത്തിലും നിരീക്ഷണത്തില്‍ കഴിയുകയാണ്.

ALSO READ: എയര്‍ ഇന്ത്യ അപകടം; പ്രാഥമിക റിപ്പോര്‍ട്ട് തള്ളി പൈലറ്റ് അസോസിയേഷന്‍; പിഴവ് പൈലറ്റിന്റെ തലയില്‍ കെട്ടിവെക്കാനുള്ള ശ്രമമെന്ന് ആരോപണം 

Palakkad Mannarkkad-native 58-year-old man dies of Nipah virus infection. The virus was confirmed in preliminary tests conducted at Manjeri Medical College. Authorities on high alert.