ന്യൂഡല്‍ഹി: അഹമ്മദാബാദ് വിമാനപകടത്തിന്റെ പ്രാഥമിക റിപ്പോര്‍ട്ട് തള്ളി പൈലറ്റ് അസോസിയേഷന്‍. അപകടത്തിന്റെ ഉത്തരവാദിത്വം പൈലറ്റിന്റെ തലയില്‍ കെട്ടിവെയ്ക്കാനുള്ള ശ്രമമാണ് നടക്കുന്നതെന്നും, ഇത് അംഗീകരിക്കില്ലെന്നും അസോസിയേഷന്‍ വ്യക്തമാക്കി. അപകടവുമായി ബന്ധപ്പെട്ട് എയര്‍ ക്രാഫ്റ്റ് ആക്‌സിഡന്റ് ഇന്‍വെസ്റ്റിഗേഷന്‍ ബ്യൂറോയുടെ (AAIB) പ്രാഥമിക റിപ്പോര്‍ട്ട് പുറത്തുവന്നതിന് പിന്നാലെയാണ് പൈലറ്റ് അസോസിയേഷന്റെ പ്രതികരണം. 

വിമാനത്തിന്റെ ഇന്ധന നിയന്ത്രണ സ്വിച്ച് ഓഫ് ചെയ്തതാണ് എയര്‍ഇന്ത്യ വിമാനത്തിന്റെ അപകടകാരണമെന്ന് എഎഐബി പ്രാഥമിക റിപ്പോര്‍ട്ടില്‍ കണ്ടെത്തിയിരുന്നു. ടേക്ക് ഓഫിന് പിന്നാലെ ഇന്ധന സ്വിച്ചുകള്‍ ഓഫ് ചെയ്യപ്പെട്ടത് ശ്രദ്ധയില്‍പ്പെട്ട പൈലറ്റ് സഹ പൈലറ്റിനോട് ഇതിനെ കുറിച്ച് ചോദിക്കുന്ന കോക്പിറ്റ് റെക്കോര്‍ഡുകള്‍ പുറത്തുവന്നിട്ടുണ്ട്. ഇതോടെയാണ് വിവാദങ്ങള്‍ കനത്തത്. 

റിപ്പോര്‍ട്ട് പ്രകാരം, വിമാനത്തിന്റെ എന്‍ജിനിലെ ഇന്ധന നിയന്ത്രണ സ്വിച്ച് ഓഫ് ആയിരുന്നു, ഇതുമൂലം വിമാനത്തിന് പറന്നുയരാനാവശ്യമായ ശക്തി ലഭിക്കാതാവുകയും അപകടമുണ്ടാവുകയും ചെയ്‌തെന്നാണ് കണ്ടെത്തല്‍. ടേക്ക് ഓഫ് സമയത്ത് വിമാനം നിയന്ത്രിച്ചിരുന്നത് സഹപൈലറ്റായിരുന്നു, പ്രധാന പൈലറ്റ് ഇത് നിരീക്ഷിക്കുകയായിരുന്നു. രണ്ട് എന്‍ജിനുകളിലേക്കുമുള്ള സ്വിച്ചുകള്‍ ഒരു സെക്കന്‍ഡിന്റെ വ്യത്യാസത്തില്‍ ഓഫ് പൊസിഷനിലേക്ക് മാറിയതാണ്  വിമാനത്തിന് പറന്നുയരാനുള്ള ശക്തി നഷ്ടപ്പെടാന്‍ കാരണം.

ALSO READ: ഇലക്ട്രിക് ചാര്‍ജിങ് സ്റ്റേഷനിലേക്ക് കാര്‍ ഇടിച്ചുകയറി; നാലു വയസുകാരന്‍ മരിച്ചു 

സ്വിച്ചുകള്‍ ഉടന്‍ തിരികെ ഓണ്‍ പൊസിഷനിലേക്ക് മാറ്റി. ഒരു എന്‍ജിന്‍ വീണ്ടും പ്രവര്‍ത്തനം ആരംഭിച്ചു, എന്നാല്‍ നാല് സെക്കന്‍ഡിന് ശേഷം രണ്ടാമത്തെ സ്വിച്ച് ഓണ്‍ ആയെങ്കിലും ആ എന്‍ജിന് പറന്നുയരാനുള്ള ശക്തി ലഭിച്ചില്ല. വിമാനത്തില്‍ പക്ഷി ഇടിച്ചിട്ടില്ല, മറ്റ് സാങ്കേതിക തകരാറുകളും റിപ്പോര്‍ട്ട് ചെയ്തിട്ടില്ല. കാലാവസ്ഥ അനുകൂലമായിരുന്നുവെന്നും റിപ്പോര്‍ട്ടില്‍ പറയുന്നു.

വിമാനത്തിന്റെ ചിറകുകളിലെ ഫ്ലാപ്പുകള്‍ സാധാരണ നിലയില്‍ ക്രമീകരിച്ചിരുന്നു. വിമാനം 32 സെക്കന്‍ഡ് മാത്രമാണ് പറന്നത്. വിമാനത്താവളത്തിന് സമീപമുള്ള ബി.ജെ. മെഡിക്കല്‍ കോളജ് ഹോസ്റ്റലില്‍ തകര്‍ന്നുവീഴുന്നതിന് മുമ്പ് വിമാനം 0.9 നോട്ടിക്കല്‍ മൈല്‍ ദൂരം മാത്രമാണ് സഞ്ചരിച്ചത്. അപകടം നടന്നത് ഉച്ചയ്ക്ക് 1:39നാണെന്നും റിപ്പോര്‍ട്ട് വ്യക്തമാക്കി. 

The Pilot Association has strongly rejected the preliminary report on the Ahmedabad plane crash, alleging that there is an attempt to shift the blame entirely onto the pilot.