2025 ഫിഫ ക്ലബ് വേൾഡ് കപ്പിലെ രാജാക്കന്മാരായി മാറിയിരിക്കുകയാണ് ചെൽസി. കിരീട പോരാട്ടത്തിൽ  നിലവിലെ ചാമ്പ്യൻസ് ലീഗ് ജേതാക്കളായ പാരീസ് സെയ്ന്റ് ജെർമെയ്നെ എതിരില്ലാത്ത മൂന്ന് ഗോളുകൾക്ക് തകർത്താണ് ചെൽസി കിരീടം ചൂടിയത്. ചെൽസിയുടെ രണ്ടാം ഫിഫ ക്ലബ്ബ് ലോകകപ്പ് കിരീടമാണിത്. ഇതിനുമുമ്പ് 2021ലാണ് ചെൽസി ക്ലബ്ബ് ലോകകപ്പ് നേടിയത്. ഫൈനൽ പോരാട്ടത്തിൽ ചെൽസിക്കായി ഇരട്ട ഗോൾ നേടി ഇംഗ്ലണ്ട് സൂപ്പർതാരം കോൾ പാൽമർ മികച്ച പ്രകടനമാണ് പുറത്തെടുത്തത്. 

 

ഈ തകർപ്പൻ പ്രകടനങ്ങൾക്ക് പിന്നാലെ ടൂർണമെന്റിലെ ഗോൾഡൻ ബോൾ അവാർഡും കോൾ പാൽമറാണ് സ്വന്തമാക്കിയത്. ടൂർണ്ണമെന്റിലുടനീളം മിന്നും പ്രകടനമാണ് ചെൽസിക്കായി താരം നടത്തിയത്. മൂന്ന് ഗോളുകളും രണ്ട് അസിസ്റ്റുകയുമാണ് ഇംഗ്ലണ്ട് താരം നേടിയത്. ക്ലബ് വേൾഡ് കപ്പിൽ ഇത് രണ്ടാം തവണയാണ് ഒരു ഇംഗ്ലണ്ട് താരം ഗോൾഡൻ ബോൾ സ്വന്തമാക്കുന്നത്. ഇതിനു മുമ്പ് വെയ്ൻ റൂണിയാണ് ഈ ടൂർണമെന്റിൽ ഗോൾഡൻ ബോൾ നേടിയിരുന്നത്. 2008ൽ മാഞ്ചസ്റ്റർ യൂണൈറ്റഡിനൊപ്പമാണ് റൂണി ഗോൾഡൻ ബോൾ നേടിയത്. 

ALSO READ: ഇങ്ങനെയൊരു ക്ലബ് ചരിത്രത്തിലാദ്യം; ഫുട്ബോൾ ലോകം അടക്കി ഭരിച്ച് ചെൽസി

അതേസമയം മെറ്റ്ലൈഫ് സ്റ്റേഡിയത്തിൽ നടന്ന ഫൈനൽ പോരാട്ടത്തിൽ 4-3-3 എന്ന ഫോർമേഷനിൽ ആണ് പിഎസ്ജി കളത്തിലിറങ്ങിയത്. മറുഭാഗത്ത് 4-2-3-1 എന്ന ശൈലിയായിരുന്നു ചെൽസി പിന്തുടർന്നത്. മത്സരത്തിന്റെ ആദ്യപകുതിയിൽ തന്നെ ചെൽസി എതിരാളികളുടെ പോസ്റ്റിലേക്ക് മൂന്ന് ഗോളുകൾ അടിച്ചു കൂട്ടിയിരുന്നു.കോൾ പള്മറിന്റെ ഇരട്ട ഗോളുകൾക്ക് പുറമെ ജാവോ പെഡ്രൊയും ചെൽസിക്കായി ലക്ഷ്യം കണ്ടു.

ടൂർണമെന്റിൽ ഉടനീളം ചെൽസി മികച്ച പോരാട്ടമാണ് നടത്തിയത്. ഗ്രൂപ്പ് ഡിയിൽ രണ്ടാം സ്ഥാനക്കാരായാണ് ചെൽസി പ്രീ ക്വാർട്ടറിൽ പ്രവേശിച്ചത്. ടൂർണമെന്റിൽ ഏഴ് മത്സരത്തിൽ ഒന്നിൽ മാത്രമാണ് ചെൽസി തോറ്റത്. ബ്രസീലിയൻ ക്ലബായ ഫ്ളമിംഗോയോടായിരുന്നു ബ്ലൂസ് തോറ്റത്. പിന്നീട് പ്രീ ക്വാർട്ടറിൽ ബെൻഫിക്കയെ തോൽപ്പിച്ച ചെൽസി ക്വാർട്ടറിൽ ബ്രസീലിയൻ ക്ലബായ പാൽമിറാസിനെയും വീഴ്ത്തി സെമിയിലേക്ക് മുന്നേറി. സെമിയിൽ ഫ്ളമിനൻസെയെ എതിരില്ലാത്ത രണ്ട് ഗോളിന് വീഴ്ത്തിയാണ് ചെൽസി ഫൈനലിലേക്ക് യോഗ്യത നേടിയത്.

England superstar Cole Palmer has won the Golden Ball award at the 2025 FIFA Club World Cup This is the second time an English player has won the Golden Ball at the Club World Cup Wayne Rooney previously won the Golden Ball at the tournament.