തിരുവനന്തപുരം: സംസ്ഥാനത്തെ വിവിധ സ്‌കൂളുകളിൽ അധ്യാപകരുടെ കാൽ കഴുകുന്ന പാദ പൂജ നടത്തിയത് വിവാദമായതിനു പിന്നാലെ കടുത്ത നടപടികളിലേക്ക് നീങ്ങാനൊരുങ്ങി വിദ്യാഭ്യാസ വകുപ്പ്. സ്‌കൂളുകളിൽ മതപരമായ ചടങ്ങുകൾ നിയന്ത്രിച്ച് ആവശ്യമായ പരിഷ്‌കാരം കൊണ്ടുവരാനാണ് സർക്കാർ നീക്കം. തുടക്കത്തിൽ പ്രാർത്ഥനാ ഗീതം പരിഷ്‌കരിക്കാനാണ് വകുപ്പ് ആലോചിക്കുന്നത്. പിന്നാലെ മറ്റു കാര്യങ്ങൾ ഏതൊക്കെയാണെന്ന് കണ്ടെത്തി വിശദമായ പഠനം നടത്തിയാകും അന്തിമ തീരുമാനം എടുക്കുക. 

കാസർകോട്, കണ്ണൂർ, മാവേലിക്കര എന്നിവിടങ്ങളിലെ സ്‌കൂളുകളിലാണ് ഗുരുപൂർണിമാഘോഷത്തിന്റെ ഭാഗമായി കുട്ടികളെ കൊണ്ട് അധ്യാപകരുടെ കാൽ കഴുകിച്ചത്. സംഭവത്തിൽ, വിദ്യാഭ്യാസ മന്ത്രി വി. ശിവൻകുട്ടിയും കേരളത്തിലെ വിദ്യാർഥി സംഘടനകൾ ഉൾപ്പെടെ പ്രതിഷേധവുമായി രംഗത്തെത്തിയിരുന്നു. ഈ പശ്ചാത്തലത്തിലാണ് സ്‌കൂളുകളിൽ മതപരമായ പരിപാടികൾക്ക് നിയന്ത്രണം ഏർപ്പെടുത്താനുള്ള നടപടിയിലേക്ക് സർക്കാർ നീങ്ങുന്നത്. മതപരമായ ഉള്ളടക്കമുള്ള ചടങ്ങുകൾക്ക് പൊതു മാനദണ്ഡം രൂപീകരിക്കാനാണ് വകുപ്പിന്റെ നീക്കം. 

ALSO READ: കാസർകോടിന് പിന്നാലെ കണ്ണൂരിലും വിദ്യാർഥികളെ കൊണ്ട് പാദപൂജ ചെയ്യിപ്പിച്ചു; പ്രതിഷേധാർഹം, വിശദീകരണം തേടുമെന്ന് വിദ്യാഭ്യാസ മന്ത്രി

അക്കാദമിക കാര്യങ്ങളിൽ മത സംഘടനകളുടെ ഇടപെടൽ വർധിച്ചു വരുന്നെന്നാണ് സർക്കാർ നിലപാട്. ഏതെങ്കിലും മതസ്ഥർക്ക് താത്പര്യം ഉള്ളതോ ഇല്ലാത്തതോ ആയ ചടങ്ങുകൾ സ്‌കൂളിൽ നടത്തുന്നത് ശരിയെല്ലാണ് വിദ്യാഭ്യാസ വകുപ്പിന്റെ നിലപാട്. അതിനാൽ എല്ലാ മതവിഭാഗത്തിൽ പെട്ട വിദ്യാർഥികൾക്കും പറ്റുന്ന തരത്തിലുള്ള സമഗ്രമാറ്റമാണ് വകുപ്പ് ആലോചിക്കുന്നത്.

Following the controversy over 'paada pooja' (feet-washing rituals) performed for teachers in various schools across Kerala, the State Education Department is preparing to take strict action. The government is moving towards introducing necessary reforms to regulate religious or ritualistic practices in schools.