ഇന്നത്തെ കാലത്ത് ഇലക്ട്രിക് വാഹനങ്ങള്‍ ഉപയോഗിക്കുന്നവരുടെ എണ്ണം കുറവല്ല. ഒട്ടുമിക്ക വീടുകളിലും ഒരു അഇലക്ട്രിക് സ്‌കൂട്ടറെങ്കിലും ഉണ്ടാകും. എന്നാല്‍ മഴക്കാലത്ത് ഇലക്ട്രിക് വാഹനം വേണ്ട പോലെ ശ്രദ്ധിച്ചില്ലെങ്കില്‍ പണി കിട്ടും. 

മഴ സമയത്ത് വാഹനങ്ങള്‍ ചാര്‍ജ് ചെയ്യുമ്പോള്‍ പോലും ശ്രദ്ധിക്കേണ്ടതുണ്ട്. കാരണം മഴസമയത്ത് ബാറ്ററിയില്‍ നനവ് സംഭവിച്ചാല്‍ അത് വാഹനത്തെ മുഴുവന്‍ ബാധിക്കാന്‍ സാധ്യത കൂടുതലാണ്. കൂടാതെ ഇലക്ട്രിക് വാഹനങ്ങളില്‍ ഷോര്‍ട്ട് സര്‍ക്യൂട്ട് ഉള്‍പ്പെടെയുള്ള പ്രശ്‌നങ്ങള്‍ക്ക് സാധ്യതയുണ്ട്. കേബിളുകൾ വെള്ളത്തിൽ പൂര്‍ണമായി മുങ്ങിയാല്‍, അപകട സാധ്യതയുണ്ട്.

• ഇക്കാര്യങ്ങള്‍ ശ്രദ്ധിക്കുക
• ചാര്‍ജിങ് ഉപകരണങ്ങള്‍ ഡ്രൈ ആയി സൂക്ഷിക്കുക.
• ചാര്‍ജിങ് പോയിന്റ് മഴവെള്ളത്തില്‍ നിന്ന് സുരക്ഷിതമായാണെന്ന് ഉറപ്പുവരുത്തണം.
• ചാര്‍ജിങ് ഉപകരണത്തില്‍ വെള്ളം വീണാല്‍ ഷോര്‍ട്ട് സര്‍ക്യൂട്ടിന് കാരണമാകും.
• ബാറ്ററിക്ക് ഇന്‍സുലേഷന്‍ അല്ലെങ്കില്‍ കണക്റ്റര്‍ കേടുപാടുകള്‍ ഉണ്ടോയെന്ന് പരിശോധിക്കുക.
• വാഹനത്തിന്റെ ഡോറുകളും വിന്‍ഡോകളും ശരിയായി അടയ്ക്കുകയും വേണം.