അടൂര്‍: സ്വയം കുത്തി പരിക്കേല്‍പിച്ചയാളുമായി ആശുപത്രിയിലേക്ക് പോയ ആംബുലന്‍സ് നിയന്ത്രണം വിട്ട് മറിഞ്ഞ് അഞ്ചുപേര്‍ക്ക് പരുക്ക്. ആംബുലന്‍ സ് നിയന്ത്രണം വിട്ട് ഒരു വീടിന് മുകളിലേക്കാണ് മറിഞ്ഞത്. 

പന്തളം മുളംപുഴ മലേത്ത് വീട്ടില്‍ ശ്രീകാന്ത് സോമന്‍(40), സഹോദരി ശ്രീലക്ഷ്മി(37) സഹോദരി ഭര്‍ത്താവ് ദിലീപ്(45) ആംബുലന്‍സ് ഡ്രൈവര്‍ ബിനു തങ്കച്ചന്‍(40), സഹായി മനു(25) എന്നിവര്‍ക്കാണ് പരുക്കേറ്റത്. ആംബുലന്‍സ് ഡ്രൈവര്‍ ബിനു തങ്കച്ചന്‍ സഹായി ദീലീപ് എന്നിവരുടെ പരുക്ക് ഗുരുതരമാണ്. ഇവരെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മറ്റുള്ളവര്‍ അടൂര്‍ ജനറല്‍ ആശുപത്രിയിലും ചികിത്സ തേടി.

ALSO READ: ഹിജാബിനെതിരെ വംശീയ വിദ്വേഷം: ജർമ്മനിയിൽ മുസ്‌ലിം യുവതിയെ കുത്തിക്കൊലപ്പെടുത്തി; കുറ്റകൃത്യത്തെ ഒറ്റപ്പെട്ട സംഭവമായി കണക്കാക്കാതെ നടപടി സ്വീകരിക്കണമെന്ന് മാതാപിതാക്കൾ

ചൊവ്വാഴ്ച രാത്രിയാണ് ശ്രീകാന്ത് സോമന്‍ പന്തളത്തെ വീട്ടില്‍ വച്ച് വയറില്‍ സ്വയം കുത്തി പരിക്കേല്‍പ്പിച്ച സംഭവമുണ്ടായത്.  തുടര്‍ന്ന് ഇയാളെ അടൂര്‍ ജനറല്‍ ആശുപത്രിയിലേക്ക് കൊണ്ടുവരുന്നതിനിടെ 9.20-ന് എംസി റോഡില്‍ അടൂര്‍ ഹൈസ്‌കൂള്‍ ജങ്ഷനു സമീപം വച്ച് ആംബുലന്‍സ് അപകടത്തില്‍ പെടുകയായിരുന്നു.  അപകടത്തില്‍ ശ്രീകാന്തിന്റെ തലക്ക് പരിക്കേറ്റിട്ടുണ്ട്.

അടൂര്‍ കരുവാറ്റ കൊല്ലീരേത്ത് പുത്തന്‍വീട്ടില്‍ കെ.എം. തങ്കച്ചന്റെ വീടിന് മുകളിലേക്കാണ് ആംബുലന്‍സ് മറിഞ്ഞത്. വീടിന് നല്ല നാശനഷ്ടമുണ്ടായിട്ടുണ്ട്.

A tragic ambulance accident in Adoor injured five people, including a man who had earlier attempted suicide. The vehicle overturned onto a house's rooftop, causing serious injuries and property damage.