തിരുവനന്തപുരം:  ഈ വര്‍ഷത്തെ വന്യജീവി വാരാഘോഷത്തോടനുബന്ധിച്ച് വനം വന്യജീവി സംരക്ഷണ സന്ദേശം ജനങ്ങളിലെത്തിക്കാന്‍ പൊതുജനങ്ങള്‍ക്കായി പോസ്റ്റര്‍ രചനാ മത്സരം സംഘടിപ്പിക്കുന്നു. വാട്ടര്‍, പോസ്റ്റര്‍, അക്രിലിക് മാധ്യമങ്ങളേതെങ്കിലും ഉപയോഗിച്ച് പോസ്റ്ററുകള്‍ എ 3 വലിപ്പത്തിലുളള പേപ്പറില്‍ രൂപകല്‍പ്പന ചെയ്യണം. കാര്‍ഡ്‌ബോര്‍ഡ് ട്യൂബില്‍ അടക്കം ചെയ്ത് അയയ്ക്കുന്നതായിരിക്കും അഭികാമ്യം. കവറിനുപുറത്ത് പോസ്റ്റര്‍ രചനാ മത്സരം 2016 എന്ന് രേഖപ്പെടുത്തണം.

മത്സരത്തിനുളള എന്‍ട്രി അയയ്ക്കുന്ന ആളിന്റെ പൂര്‍ണ വിലാസവും ഫോണ്‍ നമ്പരും രേഖപ്പെടുത്തിയ കുറിപ്പും ഉളളടക്കം ചെയ്തിരിക്കണം. പോസ്റ്ററുകളില്‍ രചയിതാവിനെ തിരിച്ചറിയുന്ന വിലാസമോ, അടയാളമോ രേഖപ്പെടുത്താന്‍ പാടില്ല. ഒന്നും, രണ്ടും, മൂന്നും സ്ഥാനങ്ങള്‍ക്ക് യഥാക്രമം അയ്യായിരം രൂപ, മൂവായിരം രൂപ, ആയിരത്തി അഞ്ഞൂറ് രൂപ സമ്മാനം ലഭിക്കും.

മത്സരത്തിനുളള എന്‍ട്രികള്‍ ഡെപ്യൂട്ടി ഫോറസ്റ്റ് കണ്‍സര്‍വേറ്റര്‍ (വൈല്‍ഡ്‌ലൈഫ്), ഫോറസ്റ്റ് ഹെഡ്ക്വാര്‍ട്ടേഴ്‌സ്, വഴുതക്കാട്, തിരുവനന്തപുരം 695 014 വിലാസത്തില്‍ സെപ്റ്റംബര്‍ 26 വരെ സ്വീകരിക്കും. വെബ്‌സൈറ്റ് www.forest.kerala.gov.in .ഫോണ്‍ 0471 2529319, 0471 2529323