കൊച്ചി: കാർ കടത്തിയെന്ന സംശയത്തെ തുടർന്ന് പൊലിസ് കസ്റ്റഡിയിലെടുത്ത കണ്ടെയ്നർ ലോറിയിൽ ഉണ്ടായിരുന്ന മൂന്ന് പേരിൽ ഒരാൾ കസ്റ്റഡിയിൽ നിന്ന് ചാടിപ്പോയി. ഇന്നലെ അർദ്ധരാത്രിയിൽ ചാടിപ്പോയ ഇയാളെ അല്പസമയം മുൻപ് പൊലിസ് പിടികൂടി. ഇയാളുൾപ്പെടെ കസ്റ്റഡിയിൽ ഉള്ള മൂന്ന് പേരും രാജസ്ഥാൻ സ്വദേശികളാണ്. ഊട്ടിയിൽനിന്ന് കാർ മോഷ്ടിച്ച് കടത്തിക്കൊണ്ടു വരുന്നു എന്ന സംശയത്തിൽ ഇന്നലെ രാത്രിയാണ് കണ്ടെയ്നർ ലോറി പൊലിസ് പിടികൂടിയത്. രഹസ്യവിവരത്തിന്റെ അടിസ്ഥാനത്തിലായിരുന്നു പനങ്ങാട് പൊലിസ് ലോറി കസ്റ്റയിൽ എടുത്തത്.

എന്നാൽ കണ്ടെയ്നയാറിൽ നിന്ന് കാർ കണ്ടെത്താനായിട്ടില്ല. എസിയും അനുബന്ധ ഉപകരണങ്ങളുമാണ് പരിശോധനയിൽ ആദ്യം കണ്ടെത്തിയത്. പിന്നീട് വിശദമായി പരിശോധിച്ചപ്പോൾ കണ്ടെയ്നറിനകത്തുനിന്ന് ഗ്യാസ് കട്ടറുകൾ അടക്കമുള്ള വസ്തുക്കൾ കണ്ടെത്തിയിട്ടുണ്ട്. അതുകൊണ്ടുതന്നെ കസ്റ്റഡിയിൽ ഉള്ളവർ കവർച്ചാ സംഘമാണ് എന്നുള്ള നിഗമനത്തിൽ തന്നെയാണ് ഇപ്പോഴും പനങ്ങാട് പൊലിസ് ഉള്ളത്. കടത്തിക്കൊണ്ടു വന്ന കാർ മറ്റെവിടെയെങ്കിലും ഇറക്കിയോ എന്നറിയാൻ കസ്റ്റഡിയിലുള്ളവരെ പൊലിസ് ചോദ്യം ചെയ്തുകൊണ്ടിരിക്കുകയാണ്.

ALSO READ: സ്വർണവള കാക്ക കൊത്തികൊണ്ട് പോയി, മൂന്ന് വർഷങ്ങൾക്ക് ശേഷം കാക്കക്കൂട്ടിൽ നിന്നു തന്നെ തിരിച്ചുകിട്ടി! അത്ഭുതം മാറാതെ മലപ്പുറത്തെ ഒരു കുടുംബം

കാർ മോഷ്ടിച്ച് കടത്തിക്കൊണ്ടു വരുന്നു എന്ന് ലോറിയുടെ നമ്പർ ഉൾപ്പെടെയാണ് പൊലിസിന് രഹസ്യവിവരം ലഭിച്ചത്. തമിഴ്‌നാട്ടിൽ നിന്ന് മോഷണം പോയ കാറാണ് കേരളത്തിലേക്ക് കടത്തുന്നത് എന്നായിരുന്നു വിവരം. പാലിയേക്കര ടോൾ പ്ലാസ കടന്നുപോയതിന് ശേഷം  കണ്ടെയ്നറിനെ പൊലിസ് സംഘം നിരീക്ഷിച്ച് വരികയായിരുന്നു. തുടർന്ന് പനങ്ങാട് നെട്ടൂർ വെച്ചായിരുന്നു കണ്ടെയ്നർ തടഞ്ഞുനിർത്തി പൊലിസ് കസ്റ്റഡിയിലെടുത്തത്. 

ലോറിയിൽ മൂന്ന് രാജസ്ഥാൻ സ്വദേശികളാണ് ഉണ്ടായിരുന്നത്. ലോറിക്കൊപ്പം ഇവരെയും കസ്റ്റഡിയിൽ എടുത്തിരുന്നു. സ്റ്റേഷനിൽ എത്തിച്ച ഇവരിൽ ഒരാൾ‌ക്ക് രാത്രിയിൽ ബാത്ത്റൂമിൽ പോകണമെന്ന് പറഞ്ഞതിനെ തുടർന്ന് ഇയാളെ അവിടെ എത്തിച്ചു. പിന്നാലെ ബാത്ത്റൂം അകത്തുനിന്ന് ലോക്ക് ചെയ്തതിനുശേഷം ജനൽ പൊളിച്ച് ഇയാൾ രക്ഷപ്പെടുകയായിരുന്നു. തുടർന്ന് ഇയാൾക്കായി രാത്രിയും ഇന്ന് രാവിലെയോടെ നടത്തിയ തിരച്ചിലിൽ സമീപത്ത് നിന്ന് ഇയാളെ അൽപ സമയംമുൻപ് പിടികൂടി.

One of the three men detained by Panangad Police on suspicion of smuggling a stolen car managed to escape from custody around midnight, but was caught shortly after. All three individuals in custody are residents of Rajasthan. They were intercepted last night in a container lorry, suspected of transporting a stolen car from Ooty.