തിരുവനന്തപുരം: തൃശൂര്‍ പൂരം കലക്കലുമായി ബന്ധപ്പെട്ട് ഡി.ജി.പി സമര്‍പ്പിച്ച റിപ്പോര്‍ട്ട് ആഭ്യന്തര സെക്രട്ടറി ശരിവച്ചു. എ.ഡി.ജി.പി എം.ആര്‍ അജിത് കുമാറിനെതിരെ നടപടി വേണമെന്നും ആഭ്യന്തര സെക്രട്ടറി ആവശ്യപ്പെട്ടു. റിപ്പോര്‍ട്ട് മുഖ്യമന്ത്രിക്ക് കൈമാറി.

പൂരം അലങ്കോലപ്പെട്ടിട്ടും എം.ആര്‍ അജിത് കുമാര്‍ ഇടപെടാത്തത് കര്‍ത്തവ്യലംഘനമാണെന്നാണ് ഡി.ജി.പി റിപ്പോര്‍ട്ടില്‍ പറയുന്നത്. തൃശൂരില്‍ ഔദ്യോഗിക ആവശ്യത്തിന് എത്തിയിട്ടും വിഷയത്തില്‍ ശ്രദ്ധ കൊടുത്തില്ലെന്നും ഡി.ജി.പിയുടെ റിപ്പോര്‍ട്ടില്‍ കണ്ടെത്തലുണ്ട്. മേല്‍നോട്ടക്കുറവ് സംഭവിച്ചുവെന്ന് പരാമര്‍ശിക്കുന്ന റിപ്പോര്‍ട്ടില്‍ പൂരം മുടങ്ങിയപ്പോള്‍ ഇടപെട്ടില്ല, മുന്നറിയിപ്പുണ്ടായിട്ടും ജാഗ്രത പുലര്‍ത്തിയില്ല എന്നും ചൂണ്ടിക്കാട്ടുന്നു. 

ALSO READ: മന്ത്രവാദവും ആഭിചാരവും നിയന്ത്രിക്കാൻ നിയമനിർമാണം: ഹൈക്കോടതിയിൽ നിലപാട് തിരുത്തി സർക്കാർ

ഒരാഴ്ചക്കുള്ളില്‍ സമര്‍പ്പിക്കാന്‍ നിര്‍ദേശിച്ച അന്വേഷണ റിപ്പോര്‍ട്ട് അഞ്ച് മാസത്തിന് ശേഷമാണ് കൈമാറിയത്. ഏറെ വിവാദങ്ങള്‍ക്കൊടുവിലാണ് റിപ്പോര്‍ട്ട് സമര്‍പ്പിച്ചത്. മെസഞ്ചര്‍ വഴിയാണ് 600 പേജുള്ള റിപ്പോര്‍ട്ട് സീല്‍ഡ് കവറില്‍ സംസ്ഥാന പൊലിസ് മേധാവിക്ക് സമര്‍പ്പിച്ചത്. 

In the wake of the Thrissur Pooram chaos, Kerala's DGP has submitted a report blaming ADGP M.R. Ajith Kumar for inaction and supervisory failure.