വെസ്റ്റ് ബാങ്ക്: അധിനിവിഷ്ട വെസ്റ്റ് ബാങ്കില്‍ ഇസ്‌റാഈലി കുടിയേറ്റക്കാര്‍ അമേരിക്കന്‍ പൗരനെ മര്‍ദ്ദിച്ച് കൊന്നു. 20-കാരനായ സെയ്ഫുല്ല മുസല്ലത്ത് ആണ് കുടിയേറ്റക്കാരുടെ ക്രൂരമര്‍ദ്ദനത്തില്‍ കൊല്ലപ്പെട്ടത്.  കൊലപാതകം അന്വേഷിക്കാന്‍ ട്രംപ് ഭരണകൂടം ഇസ്‌റാഈലിനോട് ആവശ്യപ്പെട്ടു. സംഭവത്തെ 'തീവ്രവാദ കൊലപാതകം' എന്നാണ് ട്രംപിന്റെ ദൂതന്‍ മൈക്ക് ഹക്കബി വിശേഷിപ്പിച്ചത്.

 ഫലസ്തീന്‍ പട്ടണമായ സിന്‍ജിലില്‍ ബന്ധുക്കളെ സന്ദര്‍ശിക്കാന്‍ പോയതായിരുന്നു മുസല്ലത്ത്.  ഫലസ്തിനില്‍ വേരുകളുള്ള ഇയാള്‍ ജനിച്ചതും വളര്‍ന്നതുമെല്ലാം യു.എസിലെ ഫ്‌ളോറിഡയിലാണ്. സംഭവത്തില്‍ ശക്തമായ പ്രതിഷേധവുമായി യു.എസ് രംഗത്തെത്തി. 

സെയ്ഫുല്ല മുസല്ലത്തിന്റെ കൊലപാതകത്തെക്കുറിച്ച് അന്വേഷിക്കാന്‍ ഇസ്‌റാഈലിനോട് ആവശ്യപ്പെട്ടതായി ഇസ്‌റാഈലിലെ യുഎസ് അംബാസഡര്‍ മൈക്ക് ഹക്കബി പറഞ്ഞു. മുസല്ലത്തിന്‍രെ സുഹൃത്തിന് ഗുരുതരമായി പരുക്കേറ്റിട്ടുമുണ്ട്. 

ALSO READ: നീതി നടപ്പാകണമെന്ന ആവശ്യവുമായി തലാലിന്റെ കുടുംബം; നിമിഷപ്രിയയുടെ മോചന ശ്രമങ്ങൾക്ക് വെല്ലുവിളി തുടരുന്നു
'വെറും 20 വയസ് മാത്രമേ ഉണ്ടായിരുന്നുള്ളൂ സെയ്ഫിന്. ഈ ക്രിമിനല്‍, തീവ്രവാദ പ്രവൃത്തിയുടെ ഉത്തരവാദിത്തം ഏറ്റെടുക്കണം.' ഹക്കബി സോഷ്യല്‍ മീഡിയ പോസ്റ്റില്‍ എഴുതി. എന്നാല്‍ യുവാവിന്റെ കൊലപാതകത്തില്‍ വാഷിംഗ്ടണ്‍ സ്വയം അന്വേഷണം ആരംഭിക്കണമെന്ന കുടുംബത്തിന്റെ ആവശ്യം യു.എസ് അംബാസഡര്‍ അംഗീകരിച്ചില്ല.

വെസ്റ്റ്ബാങ്കിലെ ഇസ്‌റാഈല്‍ അധിനിവേശത്തെ പൂര്‍ണമായും പിന്തുണച്ചയാളാണ് ഹക്കബി. ഇവിടെ ഇസ്‌റാഈലിന്റെ സാന്നിധ്യം കുറക്കണമെന്ന ആവശ്യങ്ങളെ എതിര്‍ക്കുകയും ചെയ്തിട്ടുണ്ട് ഹക്കബി. 

2022-ന് ശേഷം ഇസ്‌റാഈല്‍ കൊലപ്പെടുത്തിയ ഒമ്പതാമത്തെ യു.എസ് പൗരനാണ് സൈഫുല്ല മുസല്ലത്ത്. എന്നാല്‍ ഈ കേസുകളിലൊന്നും തുടര്‍ നടപടികളെടുത്തിട്ടില്ല. ഫലസ്തീനികള്‍ക്കെതിരായ അതിക്രമങ്ങള്‍ക്ക് ഇസ്‌റാഈല്‍ തങ്ങളുടെ കുടിയേറ്റക്കാരെയോ സൈനികരെയോ അപൂര്‍വ്വമായി മാത്രമേ ഉത്തരവാദികളാക്കാറുള്ളൂ എന്ന് നിരീക്ഷകര്‍ ചൂണ്ടിക്കാട്ടുന്നു. 

20-year-old Palestinian-American Saifullah Musallem was brutally beaten to death by Israeli settlers in the occupied West Bank town of Sinjil. The US has demanded an investigation, calling it a “terrorist murder.” This is the 9th killing of a US citizen by Israeli forces or settlers since 2022.