ബാഗ്ദാദ്: കിഴക്കൻ ഇറാഖിലെ അൽ-കുട്ട് നഗരത്തിലെ ഒരു ഹൈപ്പർമാർക്കറ്റിലുണ്ടായ വൻ തീപിടുത്തത്തിൽ അമ്പത് പേർ മരിച്ചതായി റിപ്പോർട്ട്. പ്രവിശ്യാ ഗവർണറെ ഉദ്ധരിച്ച് ഇറാഖ് സ്റ്റേറ്റ് ന്യൂസ് ഏജൻസി (ഐഎൻഎ) യാണ് സംഭവം റിപ്പോർട്ട് ചെയ്‍തത്. മരണസംഖ്യ ഇനിയും ഉയർന്നേക്കാമെന്നാണ് റിപ്പോർട്ട്. നിരവധിപേർക്ക് പരുക്കേറ്റിട്ടുണ്ട്.

അൽ-കുട്ടിലെ അഞ്ച് നില കെട്ടിടത്തിൽ രാത്രിയാണ് അപകടം ഉണ്ടായത്. അപകട സമയത്ത് നിരവധിപ്പേർ ഹൈപ്പർമാർക്കറ്റിലുണ്ടായിരുന്നു. തീപിടുത്തത്തിന്റെ വീഡിയോകൾ സോഷ്യൽ മീഡിയയിൽ പ്രചരിക്കുന്നുണ്ട്. രാത്രി മുഴുവൻ തീ പടരുന്നതായാണ് വിവരം. അഗ്നിശമന സേനാംഗങ്ങൾ തീ അണയ്ക്കാൻ ശ്രമിക്കുന്നതിനിടയിലും തീ പടരുന്നത് കാണാം. 

ALSO READ: അമേരിക്കയിലെ അലാസ്‌കയിൽ ശക്തമായ ഭൂചലനം; സുനാമി മുന്നറിയിപ്പ്, ആളുകളോട് മാറിത്താമസിക്കാൻ നിർദേശം

തീപിടിത്തത്തിന്റെ കാരണം അറിവായിട്ടില്ല, എന്നാൽ അന്വേഷണത്തിന്റെ പ്രാഥമിക റിപ്പോർട്ട് 48 മണിക്കൂറിനുള്ളിൽ പ്രഖ്യാപിക്കുമെന്ന് ഗവർണർ പറഞ്ഞതായി ഐഎൻഎ റിപ്പോർട്ട് ചെയ്തു. സംഭവത്തിൽ കെട്ടിടത്തിന്റെയും മാളിന്റെയും ഉടമയ്‌ക്കെതിരെ കേസ് ഫയൽ ചെയ്തിട്ടുണ്ട്.