കേന്ദ്ര സർക്കാരിന്റെ വാർഷിക സ്വച്ഛ് സർവേക്ഷൻ സർവേയിൽ ഒന്നാം സ്ഥാനം കരസ്ഥമാക്കി ഇൻഡോർ. തുടർച്ചയായ എട്ടാം തവണയാണ് ഇന്ത്യയിലെ ഏറ്റവും വൃത്തിയുള്ള നഗരമായി ഇൻഡോർ തിരഞ്ഞെടുക്കപ്പെടുന്നത്. സൂറത്തും നവി മുംബൈയുമാണ് രണ്ടും മൂന്നും സ്ഥാനങ്ങളിൽ. 3-10 ലക്ഷം ജനസംഖ്യയുള്ള നഗരങ്ങളുടെ വിഭാഗത്തിൽ നോയിഡ ഒന്നാം സ്ഥാനം നേടി, ചണ്ഡിഗഢ് രണ്ടാമതും മൈസൂർ മൂന്നാമതും എത്തി.

ന്യൂഡൽഹിയിലെ വിജ്ഞാൻ ഭവനിൽ നടന്ന ദേശീയ ചടങ്ങിൽ രാഷ്ട്രപതി ദ്രൗപദി മുര്‍മു സ്വച്ഛ് സർവേക്ഷൻ 2024-25 അവാർഡുകൾ സമ്മാനിച്ചു.

ഭവന, നഗരകാര്യ മന്ത്രാലയം (MoHUA) സംഘടിപ്പിച്ച ഈ പരിപാടിയിൽ, സ്വച്ഛ് ഭാരത് മിഷൻ-അർബൻ (SBM-U) പ്രകാരം ശുചിത്വം പാലിക്കുന്നതിൽ ശ്രദ്ധ കേന്ദ്രീകരിച്ച നഗരങ്ങളെയും നഗര സ്ഥാപനങ്ങളെയും ആദരിച്ചു.

ALSO READ: ഉന്ത് വണ്ടിയിൽ ചായക്കട തുടങ്ങാൻ 6 ലക്ഷം, ചെറിയ സ്റ്റോറിന് 22 ലക്ഷം, കഫെ ആണെങ്കിൽ 43 ലക്ഷവും; ഫ്രാഞ്ചൈസി പ്രഖ്യാപനവുമായി ഡോളി ചായ്വാല

മാലിന്യ സംസ്കരണം, ശുചിത്വ അടിസ്ഥാന സൗകര്യങ്ങൾ, പൗരന്മാരുടെ പങ്കാളിത്തം തുടങ്ങിയ മാനദണ്ഡങ്ങളുടെ അടിസ്ഥാനത്തിൽ നഗരങ്ങളെ വിലയിരുത്തുന്ന ലോകത്തിലെ ഏറ്റവും വലിയ നഗര ശുചിത്വ സർവേയാണ് സ്വച്ഛ് സർവേക്ഷൻ. 

സ്വച്ഛ് സർവേക്ഷൻ 2024-25 അവാർഡുകളിൽ ഇൻഡോർ ഒന്നാം സ്ഥാനം നേടുമെന്ന് മധ്യപ്രദേശ് മുഖ്യമന്ത്രി മോഹൻ യാദവ് ദിവസങ്ങൾക്ക് മുമ്പ് ആത്മവിശ്വാസം പ്രകടിപ്പിച്ചിരുന്നു. ഇതിന് പിന്നാലൊണ് അവാർഡ് പ്രഖ്യാപിച്ചപ്പോൾ ഇൻഡോർ ഒന്നാം സ്ഥാനം നേടിയിരിക്കുന്നത്.

Indore has once again been named India's cleanest city in the central government's annual Swachh Survekshan survey, marking its eighth consecutive win. Surat and Navi Mumbai followed in second and third places, respectively. In the 3-10 lakh population category, Noida clinched the top spot, with Chandigarh and Mysuru securing second and third positions.