തൃശൂര്‍: സംസ്‌കൃത പണ്ഡിതനും പുരോഗമന കലാ സാഹിത്യ പ്രസ്ഥാനത്തിന്റെ ആദ്യ കാല നേതാക്കളിലൊരാളുമായ ഡോ.എം.എസ് മേനോന്റെ സ്മരണക്കായി ഏര്‍പ്പെടുത്തിയ പ്രഥമ ഡോ. എം.എസ് മേനോന്‍ സ്മാരക പുരസ്‌കാരത്തിന് മനോജ് മാതിരപ്പള്ളി അര്‍ഹനായതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ഈ മാസം 24ന് വൈകുന്നേരം ആഞ്ചിന് സാഹിത്യ അക്കാദമി വൈലോപ്പിള്ളി ഹാളില്‍ ചേരുന്ന എം.എസ് മേനോന്‍ അനുസ്മരണ യോഗത്തില്‍ അക്കാദമി പ്രസിഡന്റ് വൈശാഖന്‍ പുരസ്‌കാരം സമ്മാനിക്കും. ഡോ. എസ്.കെ വസന്തന്‍ അധ്യക്ഷനാകും. ഡോ. എം.ലീലാവതി അനുസ്മരണ പ്രഭാഷണം നടത്തും. വാര്‍ത്താ സമ്മേളനത്തില്‍ സി.ആര്‍ ദാസ്, കെ.സത്യനാഥന്‍, സി ജയരാമന്‍, കെ.പി ഗിരിജ എന്നിവര്‍ സംബന്ധിച്ചു.