കൊല്ലം: തേവലക്കര ബോയ്സ് ഹൈസ്കൂളിൽ വൈദ്യുതാഘാതമേറ്റ് മരിച്ച എട്ടാം ക്ലാസ് വിദ്യാർത്ഥി മിഥുന് നാട് വിടവാങ്ങി. മൃതദേഹം പൊതുദർശനത്തിനായി സ്കൂളിൽ എത്തിച്ചു. സഹപാഠികൾ, അധ്യാപകർ, നാട്ടുകാർ എന്നിവർ അന്ത്യാഞ്ജലി അർപ്പിക്കാൻ എത്തി. പൊതുദർശനത്തിന് ശേഷം മൃതദേഹം ശാസ്താംകോട്ട വിളന്തറയിലെ വീട്ടിലേക്ക് കൊണ്ടുപോകും. മിഥുനെ അവസാനമായി ഒരു നോക്ക് കാണാൻ വൻ ജനാവലി സ്കൂളിലും പരിസരത്തും തടിച്ചുകൂടി.

ALSO READ: ഉളളുലഞ്ഞ് അമ്മ സുജ നാട്ടിലെത്തി; മിഥുനെ അവസാനമായി കാണാൻ നാട്ടിലേക്ക്

തുർക്കിയിൽ നിന്ന് കൊച്ചി വിമാനത്താവളത്തിൽ എത്തിയ മിഥുന്റെ അമ്മ സുജ, പോലീസ് അകമ്പടിയോടെ കൊല്ലത്തേക്ക് യാത്ര തിരിച്ചു. ഹൃദയഭേദകമായ രംഗങ്ങൾക്കിടയിൽ, മിഥുന്റെ വേർപാട് നാടിനെ ദുഃഖത്തിൽ മുക്കി.

മിഥുൻ ഫുട്ബോൾ കളിക്കാരനാകണമെന്നും സൈന്യത്തിൽ ചേരണമെന്നും സ്വപ്നം കണ്ട മിടുക്കനായ വിദ്യാർത്ഥിയായിരുന്നു. എന്നാൽ, കഴിഞ്ഞ ദിവസം തേവലക്കര സ്കൂളിലെ അധികൃതരുടെ അനാസ്ഥ മൂലം ദാരുണമായി ജീവൻ നഷ്ടപ്പെട്ടു. അതിദരിദ്രമായ കുടുംബത്തിൽ നിന്ന് മോചനം തേടി സുജ വിദേശത്ത് വീട്ടുജോലിക്ക് പോയിരുന്നു. തുർക്കിയിൽ വിനോദയാത്രയ്ക്ക് പോയ സമയത്താണ് മകന്റെ അപ്രതീക്ഷിത മരണവാർത്ത അവരെ തേടിയെത്തിയത്.

സ്കൂളിലെ സൈക്കിൾ ഷെഡിന് മുകളിൽ വീണ സഹപാഠിയുടെ ചെരിപ്പെടുക്കാൻ മിഥുൻ കയറിയപ്പോൾ, തെന്നിവീഴാൻ പോയ സമയത്ത് അബദ്ധത്തിൽ താഴ്ന്നുകിടന്ന വൈദ്യുതി കമ്പിയിൽ പിടിച്ച് ഷോക്കേറ്റാണ് മരിച്ചത്.വൈകിട്ട് 5 മണിയോടെ സംസ്കാരം നടക്കും. 

In Kollam, thousands gathered at Thevalakkara Boys High School to pay their last respects to 8th-grade student Mithun, who died from electrocution. His body was placed for public viewing at the school before being taken to his home in Shastamkotta. Mithun’s mother, Suja, arrived from Turkey and was escorted to Kollam by police amidst emotional scenes.