കോഴിക്കോട്: പേരാമ്പ്രയില്‍ സ്വകാര്യ ബസ് ബൈക്കിലിടിച്ചുണ്ടായ അപകടത്തില്‍ ബൈക്ക് യാത്രികനായ യുവാവിന് ദാരുണാന്ത്യം. മരുതോങ്കര സ്വദേശി അബ്ദുല്‍ ജബാദാണ് (19) മരിച്ചത്. അമിതവേഗത്തിലെത്തിയ ബസ് ബൈക്കിനെ മറികടക്കാന്‍ ശ്രമിക്കുന്നതിനിടെയാണ് അപകടം. കുറ്റ്യാടി- കോഴിക്കോട് റൂട്ടില്‍ സര്‍വീസ് നടത്തുന്ന ഒമേഗ ബസാണ് അപകടമുണ്ടാക്കിയത്. 

ബസ് ഇടിച്ചയുടനെ യുവാവ് ബൈക്കില്‍ നിന്ന് തെറിച്ച് വീണു. പിന്നാലെ ബസിന്റെ ടയര്‍ യുവാവിന്റെ ശരീരത്തിലൂടെ കയറിയിറങ്ങി. നാട്ടുകാരെത്തി രക്ഷാപ്രവര്‍ത്തനം ആരംഭിച്ചെങ്കിലും യുവാവിന്റെ ജീവന്‍ രക്ഷിക്കാനായില്ല. മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയിലേക്ക് മാറ്റി. 

കുറ്റ്യാടി-കോഴിക്കോട് റൂട്ടില്‍ സ്വകാര്യ ബസുകള്‍ മൂലമുണ്ടാകുന്ന അപകടങ്ങള്‍ തുടര്‍ക്കഥയാവുകയാണ്. ബസുകളുടെ മരണപ്പാച്ചിലിനെതിരെ നാട്ടുകാരുടെ പ്രതിഷേധം ശക്തമാണ്. സ്വകാര്യ ബസുകളുടെ മരണപ്പാച്ചിലിന് അറുതിവരുത്താന്‍ അധികാരികള്‍ നടപടി സ്വീകരിക്കുന്നില്ലെന്ന് നാട്ടുകാര്‍ ആരോപിച്ചു. 

ബസുകളുടെ മരണപ്പാച്ചിലില്‍ പ്രതിഷേധിച്ച് നാട്ടുകാര്‍ നാളെ കുറ്റ്യാടി- കോഴിക്കോട് റൂട്ടില്‍ സര്‍വീസ് നടത്തുന്ന സ്വകാര്യ ബസുകള്‍ തടയും. അമിത വേഗത നിയന്ത്രിക്കാന്‍, അധികാരികള്‍ അടിയന്തര നടപടി സ്വീകരിക്കണമെന്ന് ആവശ്യപ്പെട്ടാണ് സമരം.

ALSO READ: നെഞ്ചുപൊട്ടി മിഥുനരികെ അമ്മ; ആശ്വസിപ്പിക്കാന്‍ വാക്കുകളില്ലാതെ പ്രിയപ്പെട്ടവര്‍

A tragic accident in Perambra claimed the life of 19-year-old Abdul Jabbar from Maruthonkara when an Omega bus, operating on the Kuttiyadi-Kozhikode route, collided with his motorbike. The bus, moving at high speed, attempted to overtake the bike, leading to the fatal crash.