അബൂദബി: സിറിയയിലെ ഏറ്റവും പുതിയ സംഭവ വികാസങ്ങളെക്കുറിച്ച് യു.എ.ഇ, ജോര്‍ദാന്‍, ബഹ്‌റൈന്‍, തുര്‍ക്കി, സഊദി അറേബ്യ, ഇറാഖ്, ഒമാന്‍, ഖത്തര്‍, കുവൈത്ത്, ലബനാന്‍, ഈജിപ്ത് എന്നീ രാജ്യങ്ങളിലെ വിദേശകാര്യ മന്ത്രിമാര്‍ കൂടിയാലോചനകള്‍ നടത്തി. സിറിയയുടെ സുരക്ഷ, ഐക്യം, സ്ഥിരത, പരമാധികാരം എന്നിവയ്ക്കുള്ള പിന്തുണ ഈ രാജ്യങ്ങള്‍ സ്ഥിരീകരിച്ചു. ആഭ്യന്തര കാര്യങ്ങളില്‍ വിദേശ ഇടപെടല്‍ നിരസിച്ച മന്ത്രിമാര്‍, സുവൈദ ഗവര്‍ണറേറ്റിലെ പ്രതിസന്ധി പരിഹരിക്കാനുള്ള കരാറിനെ സ്വാഗതം ചെയ്യുകയും പ്രസ്തുത രാജ്യങ്ങള്‍ സിറിയന്‍ പൗരന്മാര്‍ക്കെതിരേ നടത്തുന്ന അതിക്രമങ്ങള്‍ക്ക് ഉത്തരവാദികളായവരെ വെളിച്ചത്ത് കൊണ്ടുവരുമെന്ന് പ്രസിഡന്റ് അഹമ്മദ് അല്‍ ഷറ പ്രകടിപ്പിച്ച പ്രതിജ്ഞാബദ്ധതയെ പ്രശംസിക്കുകയും ചെയ്തു.

സിറിയക്ക് നേരെ ആവര്‍ത്തിച്ചുള്ള ഇസ്‌റാഈല്‍ ആക്രമണങ്ങളെ വിദേശകാര്യ മന്ത്രിമാര്‍ ശക്തമായി അപലപിച്ചു. സിറിയയുടെ സുരക്ഷ, സ്ഥിരത, പ്രദേശിക സമഗ്രത, പൗരന്മാരുടെ സുരക്ഷ എന്നിവയെ ദുര്‍ബലപ്പെടുത്തുന്നതാണ് ഈ ആക്രമണങ്ങളെന്നും മന്ത്രിമാര്‍ അഭിപ്രായപ്പെട്ടു.

സിറിയന്‍ സര്‍ക്കാരിന്റെ പുനഃസംഘടനാ ശ്രമങ്ങളെ പിന്തുണയ്ക്കാന്‍ മന്ത്രിമാര്‍ അന്താരാഷ്ട്ര സമൂഹത്തോട് ആഹ്വാനം ചെയ്തു. അധിനിവേശ സിറിയന്‍ പ്രദേശങ്ങളില്‍ നിന്ന് ഇസ്രാഈലിന്റെ പൂര്‍ണ പിന്‍വാങ്ങല്‍ ഉറപ്പാക്കാനും, സിറിയയുടെ ആഭ്യന്തര കാര്യങ്ങളില്‍ ഇസ്രാഈലിന്റെ എല്ലാ ആക്രമണങ്ങളും ഇടപെടലുകളും അവസാനിപ്പിക്കാനും 2766ാം പ്രമേയവും 1974ലെ വിച്ഛേദിക്കല്‍ കരാറും നടപ്പിലാക്കാനും ഐക്യ രാഷ്ട്ര സഭ സുരക്ഷാ കൗണ്‍സിലിനോട് അറബ് രാജ്യങ്ങള്‍ അഭ്യര്‍ത്ഥിച്ചു.

ALSO READ: കൂടുന്ന മനുഷ്യാവകാശ ലംഘനം; പ്രത്യേക പരിഗണനനല്‍കേണ്ട രാജ്യങ്ങളുടെ കൂട്ടത്തില്‍ ഇന്ത്യയെയും ഉള്‍പ്പെടുത്തണമെന്ന് യുഎസ് ജനപ്രതിനിധി സഭാംഗങ്ങള്‍

Türkiye and 10 Arab nations reaffirmed their support for Syria’s security, unity, stability and sovereignty on Thursday, rejecting all forms of foreign interference in the country’s internal affairs and condemning repeated Israeli attacks, according to a joint statement published by Saudi Foreign Ministry.