കൊച്ചി: മോട്ടോർ വാഹന വകുപ്പിന്റെ പരിവാഹൻ സൈറ്റിന്റെ പേരിൽ ലക്ഷങ്ങളുടെ തട്ടിപ്പ് നടത്തിയ വൻ സംഘം പൊലിസിന്റെ പിടിയിൽ. മൂന്ന് ഉത്തർപ്രദേശ് സ്വദേശികളാണ് വാരണാസിയിൽ നിന്ന് പിടിയിലായത്. കൊച്ചി സൈബർ പൊലിസ് നടത്തിയ അന്വേഷണത്തിലാണ് പ്രതികൾ വലയിലായത്.

കേരളത്തിൽ നിന്ന് 2700 ഓളം പേരെയാണ് ഈ സംഘം തട്ടിപ്പിനിരയാക്കിയത്. 500 ഓളം തട്ടിപ്പുകൾ ഇവർ നടത്തി. 45 ലക്ഷം രൂപയാണ് തട്ടിപ്പിലൂടെ ഇത്രയും ആളുകളിൽ നിന്നായി ഈ സംഘം തട്ടിയെടുത്തത്.

വാരണാസിയിൽ നിന്നാണ് പൊലിസ് യുപി സ്വദേശികളായ പ്രതികളെ പിടികൂടിയത്. സംസ്ഥാനത്ത് നിന്ന് വാഹന ഉടമകളുടെ വിവരങ്ങൾ സംഘം ശേഖരിച്ച്, കൊൽക്കത്തയിൽ നിന്ന് പരിവാഹൻ സൈറ്റിന്റെ പേരിൽ വാട്സാപ്പിൽ ലിങ്ക് അയച്ചു നൽകിയാണ് പണം തട്ടിയത്.