ഷാര്‍ജ: കാനഡ, സ്‌പെയിന്‍, യുഎഇ എന്നിവിടങ്ങളിലെ തുറമുഖങ്ങള്‍ വഴി പ്രവര്‍ത്തിച്ചിരുന്ന അന്താരാഷ്ട്ര ലഹരിമരുന്ന് കടത്ത് ശൃംഖലയെ തകര്‍ത്ത് ഷാര്‍ജ പൊലിസ്. പിടിയിലായ സംഘത്തില്‍ നിന്നും 131 കിലോഗ്രാം ലഹരിമരുന്നുകളും സൈക്കോട്രോപ്പിക് വസ്തുക്കളും കണ്ടെടുത്തു.

ALSO READ: ഷാര്‍ജയിലെ ഒട്ടകങ്ങള്‍ക്കായുള്ള ഓട്ടമത്സരം; 1500 മീറ്ററില്‍ പങ്കെടുക്കാന്‍ 1,000 ഒട്ടകങ്ങള്‍ 

സൂക്ഷ്മമായ ആസൂത്രണത്തോടെ നടത്തിയ സമുദ്ര ഓപ്പറേഷനില്‍ ഏഴ് പേരെ അറസ്റ്റ് ചെയ്തു. ഭാര്യയെയും രണ്ട് കുട്ടികളെയും മറയാക്കിയാണ് സംഘത്തിലെ പ്രധാനി ലഹരി കടത്താന്‍ ശ്രമിച്ചത്. രഹസ്യ അന്വേഷണത്തിന്റെ ഭാഗമായി കുടുംബത്തിന്റെ നീക്കങ്ങള്‍ പൊലിസ് നിരീക്ഷിച്ചിരുന്നു. സംഘത്തില്‍ നിന്നും 131 കിലോഗ്രാം ലഹരിമരുന്നുകളും സൈക്കോട്രോപ്പിക് വസ്തുക്കളും 9,945 ലഹരിമരുന്ന് കാപ്‌സ്യൂളുകളും പിടിച്ചെടുത്തു. 

പ്രതികളെ കസ്റ്റഡിയിലെടുത്ത് ജുഡീഷ്യറിക്ക് കൈമാറി. വിദേശത്തുള്ള മറ്റ് പ്രതികളെ കണ്ടെത്താന്‍ അന്താരാഷ്ട്ര പങ്കാളികളുമായി സഹകരിച്ചുള്ള അന്വേഷണം തുടരുകയാണ്. 'യുഎഇയുടെ ലഹരിമരുന്ന് വിരുദ്ധ തന്ത്രത്തില്‍ ഞങ്ങള്‍ പ്രതിജ്ഞാബദ്ധരാണ്,' ബ്രിഗേഡിയര്‍ മജിദ് സുല്‍ത്താന്‍ അല്‍ അസം പറഞ്ഞു.

'ആഭ്യന്തര, അന്താരാഷ്ട്ര സഹകരണത്തിന്റെ ശക്തി ഈ കേസ് വെളിപ്പെടുത്തുന്നു,' ബ്രിഗേഡിയര്‍ അബ്ദുല്‍റഹ്മാന്‍ അല്‍ ഒവൈസ് വ്യക്തമാക്കി.

കാനഡയിലെ ടൊറന്റോ, സ്‌പെയിനിലെ മലാഗ, യുഎഇ എന്നിവിടങ്ങളിലെ തുറമുഖങ്ങളില്‍ സംശയാസ്പദമായ പ്രവര്‍ത്തനം കണ്ടെത്തിയതിനെ തുടര്‍ന്നാണ് അന്വേഷണം ആരംഭിച്ചത്. കാര്‍ സ്‌പെയര്‍ പാര്‍ട്‌സാണെന്ന് പറഞ്ഞ ഒരു കണ്ടെയ്‌നറിലാണ് പ്രതികള്‍ മയക്കുമരുന്ന് ഒളിപ്പിച്ചിരുന്നത്.

ALSO READ: യുഎഇയില്‍ പലയിടങ്ങളിലും ഇന്നലെ മഴ, മേഘാവൃത അന്തരീക്ഷം; ഇന്നും മഴയ്ക്ക് സാധ്യത | UAE weather today

മയക്കുമരുന്നിന്റെ പ്രാദേശിക വിതരണത്തിന്റെ ഉത്തരവാദിത്തം ഏറ്റെടുത്തിരുന്ന ഏഷ്യന്‍ വംശജരായ അഞ്ച് പേരെയും അറസ്റ്റ് ചെയ്തു. നേരിട്ടുള്ള കൈമാറ്റം ഒഴിവാക്കാന്‍ സംഘം ജിപിഎസ്ടാഗ് ചെയ്ത ലൊക്കേഷനുകളെ ആശ്രയിച്ചിരുന്നതായി അധികൃതര്‍ പറയുന്നു.

Sharjah Police arrest a wanted international criminal who used his wife and children to smuggle drugs into the UAE. The case highlights new trafficking tactics and the vigilance of UAE authorities.