ദുബൈ: യു.എ.ഇയിലെ പല ഭാഗങ്ങളിലും ഇന്നലെ മഴ പെയ്തതായി ദേശീയ കാലാവസ്ഥാ കേന്ദ്രം (NCM) അറിയിച്ചു. അബൂദബി അല്‍ ദഫ്ര മേഖലയിലെ ഔതൈദില്‍ ഉച്ച കഴിഞ്ഞ് നേരിയ മഴ പെയ്തു. യു.എ.ഇയിലെ സമ്മിശ്ര കാലാവസ്ഥയുടെ തുടക്കമായാണിത് കാണേണ്ടതെന്നും എന്‍.സി.എം പറഞ്ഞു. അബൂദബി, ദുബൈ, അല്‍ഐന്‍ എന്നിവിടങ്ങളിലെ മേഘാവൃത അന്തരീക്ഷം സംബന്ധിച്ച് എന്‍.സി.എം നേരത്തെ മുന്നറിയിപ്പ് നല്‍കിരുന്നു.

ഇന്നലെ രാവിലെ 6 മണിക്ക് ഫുജൈറയിലെ അല്‍ ഹിബന്‍ പര്‍വതത്തില്‍ 24.5 ഡിഗ്രി സെല്‍ഷ്യസ് താപനിലയാണ് രേഖപ്പെടുത്തിയത്. യു.എ.ഇയിലെ ചില പ്രദേശങ്ങളില്‍ ശനി, ഞായര്‍ ദിവസങ്ങളില്‍ മേഘാവൃത അന്തരീക്ഷം തുടരും. ചാറ്റല്‍ മഴയും പ്രതീക്ഷിക്കുന്നു.

ഇന്ന് മേഘാവൃത സാഹചര്യം കൂടുതലായി കാണപ്പെടും. വിശേഷിച്ചും, ഉച്ച കഴിഞ്ഞ് തീരദേശവടക്കന്‍ പ്രദേശങ്ങളില്‍ താപനിലയില്‍ നേരിയ കുറവുണ്ടാകും. ശനിയാഴ്ച രാത്രിയിലും ഞായറാഴ്ച രാവിലെയും ഈര്‍പ്പമുള്ള കാലാവസ്ഥയാണ് പ്രവചിച്ചിരിക്കുന്നത്. ഇത് ചില ഉള്‍നാടന്‍ പ്രദേശങ്ങളില്‍ മൂടല്‍മഞ്ഞ് രൂപപ്പെടാനുള്ള സാധ്യത കൂട്ടുന്നു. വടക്കുകിഴക്ക് മുതല്‍ വടക്ക്പടിഞ്ഞാറ് ദിശയിലേക്ക് മണിക്കൂറില്‍ 1025 കിലോമീറ്റര്‍ വേഗത്തില്‍ കാറ്റ് വീശും. ഇത് പരമാവധി മണിക്കൂറില്‍ 45 കിലോമീറ്റര്‍ വരെയാവാമെന്നും എന്‍.സി.എം അധികൃതര്‍ വ്യക്തമാക്കി.

മഴ സാധ്യതയുണ്ടെങ്കിലും ചൂട് തുടരുമെന്ന് തന്നെയാണ് കരുതുന്നത്. ഉഷ്ണം പരമാവധി 40 ഡിഗ്രി സെല്‍ഷ്യസിലേക്ക് ഉയരും. പൊടിപടലങ്ങള്‍ മൂലം ദൃശ്യപരത കുറയാന്‍ സാധ്യതയുള്ളതിനാല്‍ ഡ്രൈവര്‍മാര്‍ കൂടുതല്‍ ജാഗ്രത പാലിക്കണം. അലര്‍ജിയുള്ളവര്‍ പുറത്തു പോകുമ്പോള്‍ മുന്‍കരുതലുകള്‍ എടുക്കാനും എന്‍.സി.എം നിര്‍ദേശിക്കുന്നു.

ALSO READ: 20 ശത്രു സൈനികര്‍ വളഞ്ഞിട്ടും കീഴടങ്ങാതെ തനിച്ച് പോരാടി; ശഹീദ് ഗുലാം മുഹമ്മദിന്റെ വീരസ്മരണ പുതുക്കി രാജ്യം | Shaheed Ghulam Mohammad Khan

UAE Weather News: Today will bring more clouds, especially in the afternoon, with a slight dip in temperatures across coastal and northern regions. Humid conditions are forecast for tonight and Sunday morning, increasing the chance of mist forming in some inland areas.