കോഴിക്കോട്: സ്വകാര്യ ബസുകളുടെ അമിതവേഗതയും മത്സര ഓട്ടവും മൂലമുണ്ടാകുന്ന അപകടങ്ങൾക്കെതിരെ കർശന നടപടി ആവശ്യപ്പെട്ട് മനുഷ്യാവകാശ കമ്മീഷൻ രംഗത്ത്. പേരാമ്പ്രയിൽ വിദ്യാർഥി മരിച്ച അപകടത്തിന്റെ പശ്ചാത്തലത്തിൽ കോഴിക്കോട് റൂറൽ എസ്‌പിക്കും ആർ‌ടി‌ഒക്കും 15 ദിവസത്തിനകം റിപ്പോർട്ട് സമർപ്പിക്കാൻ കമ്മീഷൻ ജുഡീഷ്യൽ അംഗം കെ. ബൈജു നാഥ് നിർദേശിച്ചു.

പേരാമ്പ്രയിൽ ശനിയാഴ്ച വൈകിട്ട് 3:45-നുണ്ടായ അപകടത്തിൽ മരുതോങ്കര മൊയിലോത്തറ താഴത്തു വളപ്പിൽ അബ്ദുൾ ജലീലിന്റെ മകൻ അബ്ദുൾ ജവാദ് (19) മരിച്ചിരുന്നു. പേരാമ്പ്ര ഭാഗത്തേക്ക് പോവുകയായിരുന്ന ​ജവാദ് സഞ്ചരിച്ച സ്‌കൂട്ടറിന് പിന്നിൽ  സ്വകാര്യ ബസ് ഇടിച്ചതിനെ തുടർന്ന് റോഡിൽ വീണു. തുടർന്ന് ബസിന്റെ ടയർ യുവാവിന്റെ തലയിലൂടെ കയറിയിറങ്ങുകയായിരുന്നു. ബസിന്റെ അമിതവേഗതയും മത്സര ഓട്ടവുമാണ് അപകടത്തിന് കാരണമെന്ന് നാട്ടുകാർ ആരോപിച്ചു.

ALSO READ: ആലപ്പുഴയിൽ സർക്കാർ സ്കൂളിന്റെ മേൽക്കൂര തകർന്നു വീണു: പ്രവർത്തിക്കാത്ത കെട്ടിടമാണെന്ന് സ്കൂൾ അധികൃതർ; പ്രതിഷേധവുമായി നാട്ടുകാർ

കണ്ണൂരിലും ദുരന്തം

അതേസമയം, കണ്ണൂർ താണയിൽ സ്വകാര്യ ബസിന്റെ മരണപ്പാച്ചിലിൽ മറ്റൊരു വിദ്യാർഥി കൂടി ജീവൻ നഷ്ടപ്പെട്ടു. കണ്ണോത്തുംചാൽ സ്വദേശി ദേവനന്ദ് (19) ആണ് കണ്ണൂർ-കൂത്തുപറമ്പ് റൂട്ടിൽ ഓടിയ അശ്വതി ബസിന്റെ ഇടിയേറ്റ് മരിച്ചത്. ഇന്ന് ഉച്ചയ്ക്ക് 12 മണിയോടെയാണ് അപകടം.  അമിത വേഗതയിൽ എത്തിയ ബസ് ദേവനന്ദിന്റെ സ്‌കൂട്ടറിന് പിന്നിൽ ഇടിക്കുകയായിരുന്നു. യുവാവിന്റെ ദേഹത്തുകൂടി ബസ് കയറിയിറങ്ങി. മൃതദേഹം എകെജി ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. പൊലിസ് സ്ഥലത്തെത്തി ദൃശ്യങ്ങൾ ഉൾപ്പെടെ പരിശോധിച്ച് കേസെടുക്കും.

ALSO READ: കണ്ണൂരിൽ മകനുമായി പുഴയിൽ ചാടി യുവതി മരിച്ച സംഭവം: ഭർതൃവീട്ടുകാരുടെ പീഡനമെന്ന് ആരോപണം; മൂന്ന് വയസ്സുകാരനായ മകനായി തിരച്ചിൽ

യാത്രക്കാരുടെ ആശങ്ക

സ്വകാര്യ ബസുകളുടെ അശ്രദ്ധമായ ഓട്ടം യാത്രക്കാർക്കും കാൽനടയാത്രക്കാർക്കും ആശങ്കയുണ്ടാക്കുന്നു. കാലഹരണപ്പെട്ട ഷെഡ്യൂളുകൾ, മത്സര ഓട്ടം, അമിത തിരക്ക്, അപകടകരമായ ഓവർടേക്കിംഗ്, പെട്ടെന്നുള്ള ബ്രേക്കിംഗ് തുടക്കെ നിരവധി പ്രശ്നങ്ങൾ യാത്രക്കാർ ചൂണ്ടിക്കാട്ടുന്നു. “ബസ് സ്റ്റോപ്പുകളിൽ യാത്രക്കാർക്ക് സുരക്ഷിതമായി കയറാൻ പോലും ഡ്രൈവർമാർ സമയം നൽകുന്നില്ല. ഫുട്‌ബോർഡിൽ എത്തുമ്പോഴേക്കും ബസ് നീങ്ങാൻ തുടങ്ങുമെന്നും പരാതികളുണ്ടെന്ന് റിപ്പോർട്ടുകൾ വ്യക്തമാക്കുന്നു.

ALSO READ: വെള്ളാപ്പള്ളി പച്ചക്ക് വർഗീയത പറയുന്നതിൽ സർക്കാരും കൂട്ടുനിൽക്കുന്നു; നികുതി ഇല്ലാത്തതിനാൽ ആർക്കും എന്തും പറയാമെന്ന അവസ്ഥയാണ്: സർക്കാരിന്റെ മറുപടി ആവശ്യപ്പെട്ട്  പി.കെ. കുഞ്ഞാലിക്കുട്ടി

അപകടങ്ങൾ തടയാൻ ആർ‌ടി‌ഒ പതിവ് പരിശോധനകൾ നടത്തുന്നുണ്ടെങ്കിലും, ഫലപ്രദമല്ലെന്നാണ് ആക്ഷേപം. “കാലഹരണപ്പെട്ട സമയക്രമവും റോഡുകളിലെ ഗതാഗതക്കുരുക്കും അപകടങ്ങൾക്ക് കാരണമാകുന്നു. ഡ്രൈവർമാർക്കിടയിൽ ലഹരിവസ്തു ഉപയോഗവും വർധിച്ചിട്ടുണ്ട്. തുറന്ന വാതിലുകളോടെയുള്ള ഡ്രൈവിംഗ്, നിയമവിരുദ്ധ ഓവർടേക്കിംഗ്, അമിതവേഗത എന്നിവയ്ക്ക് 16-17 പെറ്റി കേസുകൾ ദിനംപ്രതി രജിസ്റ്റർ ചെയ്യുന്നുണ്ട്.

ബസ് ഷെഡ്യൂളുകളിൽ മാറ്റം വരുത്തണമെന്ന് ആർ‌ടി‌ഒയ്ക്ക് അയച്ച കത്തിൽ പൊലിസ് നിർദേശിച്ചിട്ടുണ്ട്. കൂടാതെ, സ്വകാര്യ ബസ് ജീവനക്കാർക്കായി പതിവ് പരിശീലനവും ബോധവൽക്കരണ പരിപാടികളും ആർ‌ടി‌ഒ സംജനിപ്പിക്കുന്നുണ്ട്. എന്നിട്ടും, സുരക്ഷാ ചട്ടങ്ങൾ ലംഘിക്കുന്നത് തുടരുന്നത് ഗുരുതരമായ വീഴ്ചയാണെന്ന് യാത്രക്കാർ ആരോപിക്കുന്നു.

In response to a fatal accident in Perambra, where a student was killed by a speeding private bus, the Human Rights Commission has intervened, demanding a report from Kozhikode Rural SP and RTO within 15 days to address the reckless driving and safety violations by private buses