മലപ്പുറം: വെള്ളാപ്പള്ളിയുടെ നടേശന്റെ വര്‍ഗീയ പരാമര്‍ത്തില്‍ പ്രതികരിച്ച് മുസ് ലിം ലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങള്‍.  വെള്ളാപ്പള്ളി ഇടയ്ക്കിടെ നടത്തുന്ന പരാമര്‍ശങ്ങള്‍ താന്‍ ഗൗരവത്തിലെടുക്കുന്നില്ല എന്ന് അദ്ദേഹം പറഞ്ഞു. മാധ്യമങ്ങളോടായിരുന്നു സാദിഖലി തങ്ങളുടെ പ്രതികരണം. 

കഴിഞ്ഞ കുറച്ച് കാലങ്ങളായി പ്രതികരണ ശേഷി നഷ്ടപ്പെട്ട സര്‍ക്കാരാണ് ഇവിടെ ഭരിക്കുന്നത്. അതുകൊണ്ടാണ് ഇത്തരം വര്‍ഗീയ പരാമര്‍ശങ്ങള്‍ ആവര്‍ത്തിക്കുന്നതെന്നും അദ്ദേഹം പറഞ്ഞു. വെള്ളാപ്പള്ളിയെ പോലെയുള്ളവര്‍ നടത്തുന്ന ഇത്തരം പരാമര്‍ശങ്ങളില്‍ മുസ് ലിം സംഘടനകളും, നേതാക്കളും ആത്മസംയമനത്തോടെയാണ് പ്രതികരിക്കുന്നത്. ചില വിഷയങ്ങളില്‍ അതാണ് നല്ലതെന്നും സാദിഖലി തങ്ങള്‍ പറഞ്ഞു. പരസ്പരം പോരടിക്കാനോ, വിദ്വേഷം പരത്താനോ അല്ല നമ്മള്‍ ശ്രമിക്കേണ്ടതെന്നും അദ്ദേഹം കൂട്ടിച്ചേര്‍ത്തു. 

'വെള്ളാപ്പള്ളിയെ പോലെയുള്ളവര്‍ നടത്തുന്ന പരാമര്‍ശങ്ങളില്‍ മുസ്‌ലിം സംഘടനകളും നേതാക്കളും വളരെ ആത്മസംയമനത്തോടെയുള്ള നിലപാടാണ് സ്വീകരിക്കുന്നത്. അതാണ് ഇക്കാര്യത്തില്‍ നല്ലത്. അല്ലാതെ പരസ്പരം പോരടിക്കാനോ, വിദ്വേഷം പരത്താനോ അല്ലല്ലോ നമ്മള്‍ ശ്രമിക്കേണ്ടത്. 

ALSO READ: കേരള ഐടി മിഷനില്‍ നിരവധി ഒഴിവുകള്‍; അറ്റന്‍ഡര്‍ മുതല്‍ എഞ്ചിനീയര്‍ വരെ; പത്താം ക്ലാസ് മുതല്‍ യോഗ്യത; ലക്ഷങ്ങള്‍ ശമ്പളം വാങ്ങാം 

ചില കാര്യങ്ങളില്‍ മൗനം പാലിക്കലാണ് നല്ലത്. മൗനം വിദ്വാന് ഭൂഷണം എന്ന് പറയാറില്ലേ. വെള്ളാപ്പള്ളി വിഷയത്തില്‍ അത് പ്രസക്തമാണ്. കഴിഞ്ഞ കുറച്ച് നാളുകളായി കേരളത്തില്‍ പ്രതികരണ ശേഷി നഷ്ടപ്പെട്ട ഭരണകൂടമാണ് നിലനില്‍ക്കുന്നത്. അതുകൊണ്ടാണ് ഇത്തരം വിദ്വേഷ പരാമര്‍ശങ്ങള്‍ ആവര്‍ത്തിക്കുന്നതും. കൊല്ലത്ത് ഇലക്ട്രിക് ലൈന്‍ തട്ടി മരിച്ച കുട്ടിയുടെ കാര്യത്തില്‍ പോലും ഉത്തരവാദിത്വപ്പെട്ടവര്‍ വേണ്ടരീതിയില്‍ പ്രതികരിക്കുന്നില്ലല്ലോ,' സാദിഖലി തങ്ങള്‍ പറഞ്ഞു.