പാലക്കാട്: പാലക്കാട് ജില്ലയിൽ നിപ ജാ​ഗ്രതയെ തുടർന്ന് ഏർപ്പെടുത്തിയിരുന്ന നിയന്ത്രണങ്ങൾ പിൻവലിച്ചു. കുമരംപുത്തൂർ, കാരാക്കുറുശ്ശി, കരിമ്പുഴ, മണ്ണാർക്കാട് മുനിസിപ്പാലിറ്റി എന്നിവിടങ്ങളിലെ 18 വാർഡുകളിൽ പ്രഖ്യാപിച്ചിരുന്ന കണ്ടെയ്ൻമെന്റ് സോണുകളിലെ നിയന്ത്രണങ്ങൾ നീക്കം ചെയ്തതായി അധികൃതർ അറിയിച്ചു. പുതിയ രോഗബാധകളോ ലക്ഷണങ്ങളോ റിപ്പോർട്ട് ചെയ്യാത്ത സാഹചര്യത്തിലാണ് നിയന്ത്രണങ്ങൾ എടുത്തുമാറ്റിയത്.

ALSO READ: നിയമസഭാ സമ്മേളനത്തിനിടെ മൊബൈലിൽ റമ്മി കളിച്ച് മഹാരാഷ്ട്ര കൃഷി മന്ത്രി, വീഡിയോ പുറത്ത്; പ്രതികരണവുമായി മന്ത്രി

കുമരംപുത്തൂർ ചെങ്ങലീരി സ്വദേശി നിപ ബാധിച്ച് മരിച്ചതിനെ തുടർന്നാണ് ഈ പ്രദേശങ്ങളിൽ നിയന്ത്രണങ്ങൾ ഏർപ്പെടുത്തിയത്. നിയന്ത്രണങ്ങൾ നീക്കിയെങ്കിലും ഈ മേഖലകളിൽ മാസ്ക് ധരിക്കുന്നത് നിർബന്ധമാണെന്നും അനാവശ്യമായ ആൾക്കൂട്ടം ഒഴിവാക്കണമെന്നും ജില്ലാ കലക്ടർ നിർദേശിച്ചു.

ALSO READ: കേരളത്തില്‍ കഴിഞ്ഞ കുറച്ച് കാലമായി പ്രതികരണ ശേഷി നഷ്ടപ്പെട്ട സര്‍ക്കാരാണ് ഭരിക്കുന്നത്; അതുകൊണ്ടാണ് ഇത്തരം വിദ്വേഷ പരാമര്‍ശങ്ങള്‍ ആവര്‍ത്തിക്കുന്നത്; സാദിഖലി തങ്ങള്‍

സമ്പർക്ക പട്ടികയിലുള്ള 418 പേർ ക്വാറന്റൈനിൽ തുടരണം. ജില്ലയിൽ രണ്ട് പേരെ ഐസൊലേഷനിൽ നിന്ന് ഒഴിവാക്കി, ഒരാൾ ഇപ്പോഴും ഐസൊലേഷനിൽ കഴിയുകയാണ്. ആദ്യം നിപ സ്ഥിരീകരിച്ച തച്ചനാട്ടുകര സ്വദേശിനി ഇപ്പോഴും കോഴിക്കോട് മെഡിക്കൽ കോളേജിൽ ചികിത്സയിലാണ്.

Authorities in Palakkad district have withdrawn restrictions imposed due to Nipah virus concerns. The containment zones in 18 wards across Kumaraputhur, Karakkurussi, Karimbuzha, and Mannarkkad Municipality have been lifted following no reports of new cases or symptoms.