മുംബൈ: നിയമസഭാ സമ്മേളനത്തിനിടെ മഹാരാഷ്ട്ര കൃഷി മന്ത്രി മാണിക് റാവു കോക്കാതെ മൊബൈലിൽ റമ്മി കളിക്കുന്നതിന്റെ വീഡിയോ പുറത്ത്. അതേസമയം, ഈ വീഡിയോ പ്രതിപക്ഷം രാഷ്ട്രീയ ആയുധമാക്കി ഉപയോ​ഗിക്കുകയാണ്. സംഭവത്തിൽ എൻസിപി (എസ്പി) നേതാവ് രോഹിത് പവാർ കൃഷി മന്ത്രിയെ വിമർശിച്ചതിങ്ങനെയാണ്. സംസ്ഥാനത്ത് നിരവധി കാർഷിക പ്രശ്നങ്ങൾ നിലനിൽക്കുന്നു, ദിവസേന ശരാശരി എട്ട് കർഷകർ ആത്മഹത്യ ചെയ്യുന്നു, ഈ പ്രശ്നങ്ങൾക്കൊന്നും പരിഹാരം കാണാൻ സമയമില്ലെങ്കിലും റമ്മി കളിക്കാൻ മന്ത്രി സമയം കണ്ടെത്തുന്നു രോഹിത് പവാർ പറഞ്ഞു. 

ALSO READ: 'ക്രിസ്ത്യാനിയും മുസ്‌ലിമും നന്നായി, ലീഗില്‍ എല്ലാവരും മുസ്‌ലിംകള്‍ ആയിട്ടും അത് മതേതര പാര്‍ട്ടി ' വര്‍ഗീയത പറഞ്ഞ് വീണ്ടും വെള്ളാപ്പള്ളി; കാര്യങ്ങള്‍ തുറന്നു പറയാന്‍ ധൈര്യമുള്ള നേതാവെന്ന് വാസവന്റെ പുകഴ്ത്തല്‍

കൃഷി മന്ത്രിയുടെ പ്രതികരണം

താൻ ഓൺലൈൻ ഗെയിം കളിച്ചിട്ടില്ലെന്നും, ഫോണിൽ ആപ്പ് അബദ്ധവശാൽ ഇൻസ്റ്റാൾ ആയതാണെന്നുമാണ് മന്ത്രിയുടെ വിശദീകരണം. നിയമസഭയിൽ ക്യാമറകൾ ഉള്ളതറിഞ്ഞിട്ടും താൻ എങ്ങനെ റമ്മി കളിക്കുമെന്ന് മന്ത്രി മാണിക് റാവു ചോദിക്കുന്നു. രാജ്യസഭയിലെ വിഷയങ്ങൾ അറിയാൻ യൂട്യൂബിൽ വീഡിയോ കാണുകയായിരുന്നുവെന്നും, അപ്പോൾ അബദ്ധത്തിൽ ഒരു ആപ്പ് തുറന്നുപോയെന്നും അദ്ദേഹം വ്യക്തമാക്കി. ഗെയിം തുറന്നപ്പോൾ അത് ഒഴിവാക്കാൻ രണ്ട് തവണ ശ്രമിച്ചതായും മന്ത്രി അവകാശപ്പെട്ടു.

ALSO READ: വെള്ളാപ്പള്ളിയുടെ വര്‍ഗീയ പരാമര്‍ശം; ഭരിക്കുന്നത് പ്രതികരണ ശേഷി നഷ്ടപ്പെട്ട സര്‍ക്കാര്‍; സാദിഖലി തങ്ങള്‍

പുറത്തുവന്ന ചെറിയ വീഡിയോ ക്ലിപ്പ് കണ്ടാൽ സത്യാവസ്ഥ മനസ്സിലാകില്ലെന്ന് മന്ത്രി പറയുന്നു. ആപ്പ് എങ്ങനെ നീക്കം ചെയ്യണമെന്ന് തനിക്ക് അറിയില്ലായിരുന്നുവെന്നും, മുഴുവൻ വീഡിയോ കണ്ടാൽ താൻ ഗെയിം ഒഴിവാക്കാൻ ശ്രമിച്ചതായി വ്യക്തമാകുമെന്നും അദ്ദേഹം വിശദീകരിച്ചു. അപൂർണമായ വീഡിയോയെ ആധാരമാക്കി പ്രതിപക്ഷം തന്നെ ലക്ഷ്യം വെക്കുകയാണെന്നും മന്ത്രി ആരോപിച്ചു.

A video of Maharashtra Agriculture Minister Manik Rao Kokate playing rummy on his mobile phone during a legislative assembly session has surfaced, sparking controversy. The opposition, led by NCP (SP) leader Rohit Pawar, has criticized the minister, highlighting the state's ongoing agricultural issues, including an average of eight farmer suicides daily, accusing him of prioritizing gaming over addressing critical concerns.