ദുബൈ: ഇസ്‌കൂട്ടറുകളും ഇരു ചക്ര വാഹനങ്ങളും ഓടിക്കുന്നവര്‍ ഗതാഗത നിയമങ്ങള്‍ പാലിക്കണമെന്നാവശ്യപ്പെട്ട് അജ്മാന്‍ പൊലിസ് നിര്‍ദേശം. അനധികൃത ഇലക്ട്രിക് സൈക്കിളുകളും സ്‌കൂട്ടറുകളും ഉപയോഗിക്കുന്നതിനെതിരെയാണ് മുന്നറിയിപ്പ്. തെറ്റായ വഴിയിലൂടെ പോകുന്നത് ഉള്‍പ്പെടെ വാഹനമോടിക്കുന്നവര്‍ ഒന്നിലധികം നിയമ ലംഘനങ്ങള്‍ നടത്തുന്നത് ഈയിടെ അജ്മാന്‍ പൊലിസ് പങ്കിട്ട ഒരു വിഡിയോയില്‍ കാണാനായിരുന്നു. ഉചിതമായ സുരക്ഷാ ഗിയര്‍ ഇല്ലാതെ വാഹനമോടിക്കുക, വണ്‍വേ റോഡില്‍ തെറ്റായ വഴിയിലൂടെ പോവുക, എക്‌സിറ്റില്‍ നിന്ന് റോഡില്‍ അശ്രദ്ധമായി പ്രവേശിക്കുക, കാല്‍നട ക്രോസിംഗിലെ തെറ്റായ ഉപയോഗം എന്നിവയാണ് മുഖ്യമായും പങ്കു വച്ചിരുന്നത്.

 

 

 

 

 

View this post on Instagram

 

 

 

 

 

 

 

 

 

 

 

A post shared by UAE Information - News - Entertainment (@uae_information_news_ent)

ഇരുചക്ര വാഹനങ്ങള്‍ ഉപയോഗിക്കുന്നവര്‍ നിയമ ലംഘനങ്ങള്‍ ഒഴിവാക്കാനും, റോഡില്‍ സുരക്ഷിതരായിരിക്കാനും യു.എ.ഇയിലുടനീളമുള്ള അധികാരികള്‍ ആവര്‍ത്തിച്ച് ഉപദേശങ്ങള്‍ നല്‍കുന്നു.

ദുബൈയില്‍ ഡെലിവറി സര്‍വിസ് ചട്ടങ്ങള്‍ ലംഘിച്ച 19 മോട്ടോര്‍ സൈക്കിളുകള്‍ അടുത്തിടെ പിടിച്ചെടുത്തതായി റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) അറിയിച്ചിരുന്നു.

ആര്‍.ടി.എ നല്‍കുന്ന നിര്‍ബന്ധിത പ്രൊഫഷണല്‍ പരിശീലന സര്‍ട്ടിഫിക്കറ്റില്ലാതെ സംരക്ഷണ ഉപകരണങ്ങള്‍ ധരിക്കാതിരിക്കുക, അശ്രദ്ധമായി വാഹനമോടിക്കുക, മോട്ടോര്‍ സൈക്കിള്‍ ഓടിക്കുക എന്നിവയാണ് നിയമ ലംഘനങ്ങളില്‍ ഉള്‍പ്പെടുന്നതെന്ന് ആര്‍.ടി.എയിലെ ലൈസന്‍സിംഗ് ഏജന്‍സി സി.ഇ.ഒ അഹമ്മദ് മഹ്ബൂബ് പറഞ്ഞു.

Ajman Police have issued a fresh warning to riders of e-scooters and electric bikes, urging them to follow traffic rules and prioritize safety after a spike in violations was caught on video.