സിംഗപ്പൂർ:ഭക്ഷണശൃംഖലയായ സുമോ സലാഡ്‌യുടെ ഉടമയും പ്രമുഖ ബിസിനസുകാരിയുമായ ജെയ്ൻ ലീയുടെ ദുരൂഹമായ മരണം സിംഗപ്പൂർ ബിസിനസ് ലോകത്ത് വലിയ ഞെട്ടൽ ഉയർത്തിരിക്കുകയാണ്. ഇന്ത്യൻ വംശജയായ തന്റെ ജോലിക്കാരി പണം തട്ടാൻ ശ്രമിച്ചെന്ന ആരോപണവുമായി ഫേസ്ബുക്കിൽ കുറിപ്പെഴുതിയതിന് പിന്നാലെയാണ് ജെയ്ൻ ലീയെ മരിച്ച നിലയിൽ കണ്ടെത്തിയത്. സംഭവം അസ്വാഭാവിക മരണമായി സിംഗപ്പൂർ പോലീസ് രജിസ്റ്റർ ചെയ്തിട്ടുണ്ട്.

ജൂലൈ 17-ന് ജെയ്ൻ ലീ തന്റെ ഫേസ്ബുക്ക് പേജിൽ, ഇന്ത്യക്കാരിയായ ജോലിക്കാരി ശ്രാൻ കിരൺജീത് കൗർ പണം തട്ടാനുള്ള ശ്രമം നടത്തിയതായി തുറന്നു പറഞ്ഞു. ജോലിക്കിടെ മനപൂർവം വീണ് പരിക്ക് അഭിനയിച്ച് നഷ്ടപരിഹാരം ആവശ്യപ്പെട്ടതായി ലീ ആരോപിച്ചു. തുടർന്ന് രണ്ട് ദിവസങ്ങൾക്കപ്പുറം ജൂലൈ 19-ന് ജെയ്ൻ ലീയെ ഹോളണ്ട് വില്ലേജിലെ താമസസ്ഥലത്തിനടുത്ത് മരിച്ച നിലയിൽ കണ്ടെത്തുകയായിരുന്നു.

ജോലിക്കാരി ഒരു എസ്കലേറ്ററിൽ നിന്നും വീണതായി നടിച്ചു, പിന്‍വശത്ത് യാതൊരു പൊട്ടലോ പരിക്കോ ഇല്ലാതിരുന്നിട്ടും ഡോക്ടറെ കാണുകയും കഠിനവേദന അനുഭവപ്പെടുന്നുവെന്നു വ്യാജമായി അവകാശപ്പെടുകയും ചെയ്തതായി ലീ ആരോപിച്ചു. ജീവനക്കാരിയുടെ കരാർ അവസാനിക്കുന്ന ദിവസം തന്നെ സംഭവം നടന്നതിൽ സംശയമുണ്ടെന്ന് ലീ കുറിപ്പിൽ കുറിച്ചു.

കൂടാതെ, കിരൺജീത് കൗർ, ഭർത്താവ്,ഇവരുടെ മാമൻ തുടങ്ങിയവർ മുമ്പും വ്യാജമായ പരാതികളിലൂടെ ചെറു ബിസിനസുകാരെപറ്റിച്ച് പണം തട്ടിയിട്ടുണ്ട് എന്നത് സംബന്ധിച്ചാരോപണങ്ങളും ലീ ഉന്നയിച്ചു. ഇവർ ഈ സിസ്റ്റത്തിലൂടെ തന്നെ പണം തട്ടാനുള്ള ശ്രമമാണ് നടത്തിയതെന്നും ലീ പോസ്റ്റിൽ പറയുന്നു.

പരിക്കില്ലെന്നും അതിന്‍റെ തെളിവുകൾ സ്വന്തം കൈവശമുണ്ടെന്നും ലീ തന്റെ പോസ്റ്റിൽ അവകാശപ്പെട്ടു. അവസാനം, മാൻപവർ മന്ത്രാലയവും പൊലിസും ഇക്കാര്യത്തിൽ അന്വേഷണം നടത്തണമെന്നാവശ്യപ്പെട്ടാണ് അവർ പോസ്റ്റ് അവസാനിപ്പിച്ചത്.

ജെയ്ൻ ലീയുടെ മരണത്തിന് വ്യക്തമായ കാരണങ്ങൾ ഇപ്പോഴും വ്യക്തമല്ല. തുടക്കത്തിൽ ആത്മഹത്യയാണെന്നാണെങ്കിലും ഔദ്യോഗിക സ്ഥിരീകരണമൊന്നുമില്ല. ഈ പശ്ചാത്തലത്തിൽ, സിംഗപ്പൂർ പൊലിസ് അസ്വാഭാവിക മരണമായി കേസ് രജിസ്റ്റർ ചെയ്തതായും വിശദമായ അന്വേഷണം പുരോഗമിച്ചുകൊണ്ടിരിക്കുകയാണെന്നും അധികൃതർ അറിയിച്ചു.

A shocking incident has emerged from Singapore where Jane Lee, a young businesswoman and owner of the Sumo Salad restaurant, was found dead just two days after she accused her Indian maid of attempting to extort money. In a Facebook post on July 17, Lee alleged that the maid faked an injury at work to claim compensation. She also accused the maid’s family of previous frauds. On July 19, Lee was found dead under mysterious circumstances. Singapore Police have registered a case of unnatural death and launched an investigation.