ആലപ്പുഴ: പെരുമഴയത്തും വി.എസിനെ കാണാന്‍ ജനസാഗരം. പാര്‍ട്ടി ജില്ലാ ഓഫസില്‍ നിന്നും വിലാപയാത്ര  ആലപ്പുഴ ബീച്ച് റിക്രിയേഷന്‍ ഗ്രൗണ്ടിലെത്തി. ഇവിടേയും വിഎസിനെക്കാത്ത് ആയിക്കണക്കിനാളുകള്‍ നില്‍ക്കുകയാണ്.  

ചൊവ്വാഴ്ച 2 മണിയോടെ ആരംഭിച്ച വി.എസ് അച്യൂതാനന്ദന്റെ വിലാപയാത്ര 22 മണിക്കൂറുകള്‍ പിന്നിട്ടാണ് ആലപ്പുഴയിലെ വീട്ടിലെത്തിയത്. റിക്രിയേഷൻ ഗ്രൗണ്ടിലെ പൊതുദർശനം കൂടെ അവസാനിച്ചാൽ മൃതദേഹം വലിയ ചുടുകാട്ടിൽ സംസ്കരിക്കും.

ഹൃദയാഘാതത്തെ തുടര്‍ന്ന് ചികിത്സയിലായിരുന്ന വി.എസ് അച്യുതാനന്ദന്‍ തിങ്കളാഴ്ച വൈകിട്ട് 3.20നാണ് അന്തരിച്ചത്. തുടര്‍ന്ന് എ.കെ.ജി പഠനഗവേഷണകേന്ദ്രത്തില്‍ മണിക്കൂറുകള്‍ നീണ്ട പൊതുദര്‍ശനം. അതിനുശേഷം തിരുവനന്തപുരം പാളയത്തെ തമ്പുരാന്‍മുക്കിലുള്ള വീട്ടിലെത്തിച്ചു. ചൊവ്വാഴ്ച രാവിലെ 9 മുതല്‍ ആരംഭിച്ച ദര്‍ബാര്‍ ഹാളിലെ പൊതുദര്‍ശനം രണ്ടോടെ അവസാനിച്ചു. മുദ്രാവാക്യങ്ങളുടെ അകമ്പടിയോടെ ഔദ്യോ?ഗിക ബഹുമതി നല്‍കിയാണ് വി എസിന്റെ മൃതദേഹം ഹാളിനു പുറത്തേക്കെത്തിച്ചത്. തുടര്‍ന്ന് വന്‍ ജനക്കൂട്ടത്തിന് നടുവിലൂടെ ജനനായകന്‍ ജന്മനാട്ടിലേക്ക് തിരിക്കുകയായിരുന്നു.