ഹരിപ്പാട്: കൂട്ടുകാരോടൊപ്പം കുളിക്കാനിറങ്ങിയ പ്ലസ് വൺ വിദ്യാർത്ഥി  മുങ്ങിമരിച്ചു.ആലപ്പുഴയിലെ കരുവാറ്റ സ്വദേശിയായ മുഹമ്മദ് സുഹൈൽ (17) ആണ് മരണപ്പെട്ടത്. കൊച്ചിത്തറയിൽ പുത്തൻ പറമ്പിൽ സ്വദേശി ഷമീറിന്റെയും സുലേഖ ബീവിയുടെയും മകനാണ് സുഹൈൽ.

ചൊവ്വാഴ്ച വൈകുന്നേരം മൂന്ന് മണിയോടെ സുഹൈൽ കൂട്ടുകാരോടൊപ്പം കുളത്തിൽ  കുളിക്കാനിറങ്ങിയതായിരുന്നു. കരുവാറ്റ നൂറുൽ ഇസ്ലാം സംഘം പള്ളിക്ക് സമീപമുള്ള കുളത്തിലേക്ക് കൂട്ടുകാരുമൊത്ത് ഇറങ്ങിയപ്പോൾ മുങ്ങിത്താഴുകയായിരുന്നു.

കുട്ടികളുടെ നിലവിളി കേട്ട് സ്ഥലത്തെ നാട്ടുകാരെത്തി രക്ഷാപ്രവർത്തനത്തിനിറങ്ങി. ആദ്യം കരുവാറ്റയിലെ സ്വകാര്യ ആശുപത്രിയിലും പിന്നീട് ഹരിപ്പാട് താലൂക്ക് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.

മൃതശരീരം ഹരിപ്പാട് താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സുഹൈൽ വിയപുരം ഹയർ സെക്കൻഡറി സ്കൂളിലെ പ്ലസ് വൺ വിദ്യാർത്ഥിയായിരുന്നു. ഏക സഹോദരിയാണ് സന ഫാത്തിമ.

A 17-year-old Plus One student, Muhammad Suhail, drowned while swimming with his friends in a pond near the Noorul Islam mosque in Karuvatta, Haripad. The incident occurred around 3 PM. Despite being rushed to a private hospital and later to Haripad Taluk Hospital, he could not be saved. Suhail was a student at Viyapuram Higher Secondary School.