കോഴിക്കോട്: കോഴിക്കോട് ജില്ലയില്‍ രണ്ടു മാസത്തിനിടയില്‍ മുങ്ങിമരിച്ചത് 14 പേര്‍. ഇതില്‍ 11 പേരും യുവാക്കളും കുട്ടികളുമാണ്. അതും ഏഴു പേര്‍ക്ക് 20 വയസില്‍ താഴെ മാത്രം പ്രായമുള്ളവരും. കുളിക്കുന്നതിനിടെ മുങ്ങിമരിച്ച സംഭവങ്ങളാണ്  കൂടുതലും. ജലാശയത്തില്‍ വേണ്ടത്ര സുരക്ഷയില്ലാത്തതും ശാസ്ത്രീയമായി നീന്തല്‍ പഠിക്കാത്തതുമൊക്കെയാണ് മുങ്ങിമരണങ്ങള്‍ കൂടാന്‍ കാരണം. 
ക്രമാതീതമായി മുങ്ങിമരണങ്ങള്‍ കൂടുന്ന സാഹചര്യത്തില്‍ പാഠ്യപദ്ധതിയില്‍ ഉള്‍പ്പെടെ നീന്തല്‍ ഊള്‍പ്പെടുത്തണമെന്ന് ആവശ്യവും ശക്തമായിക്കൊണ്ടിരിക്കുകയാണ്. 2024 ല്‍ 65 ഉം 2023ല്‍ 57 ഉം പേര്‍ കോഴിക്കോജ് ജില്ലയില്‍ മുങ്ങിമരിച്ചിരുന്നു.