ദുബൈ: വ്യാജ രേഖകൾ ഉപയോഗിച്ച് 45.5 മില്യൺ രൂപയുടെ (ഏകദേശം 1.9 മില്യൺ ദിർഹം) ബാങ്ക് വായ്പ തട്ടിയെടുത്ത കേസിൽ കുറ്റാരോപിതനായ ഇന്ത്യൻ പൗരനെ യുഎഇയിൽ നിന്ന് നാടുകടത്തി. ഡൽഹി പൊലിസ് അന്വേഷിച്ചു കൊണ്ടിരുന്ന ഇയാളെ ഇന്റർപോളിന്റെ സഹായത്തോടെയാണ് ഉദിത് ഖുള്ളറിനെ ഇന്ത്യയിലേക്ക് തിരികെ കൊണ്ടുവന്നതെന്ന് സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) വെള്ളിയാഴ്ച പുറത്തിറക്കിയ പത്രക്കുറിപ്പിൽ വ്യക്തമാക്കി.

ALSO READ: 1,578 പുതിയ ബിരുദ വിദ്യാര്‍ഥികള്‍ക്ക് ഷാര്‍ജ ഭരണാധികാരിയുടെ സ്‌കോളര്‍ഷിപ്പ്

‘ക്രിമിനൽ ഗൂഢാലോചന, വഞ്ചന, വ്യാജ രേഖകൾ ചമയ്ക്കൽ’ എന്നീ കുറ്റങ്ങളാണ് ഉദിതിനുമേൽ ചുമത്തിയിരിക്കുന്ന കുറ്റങ്ങൾ. ഖുള്ളർ മറ്റുള്ളവരുമായി ചേർന്ന് വ്യാജ സ്വത്ത് രേഖകൾ ഉപയോഗിച്ച് ബാങ്കുകളിൽ നിന്ന് വായ്പകൾ നേടിയതായി അന്വേഷണത്തിൽ കണ്ടെത്തിയിരുന്നു.

ALSO READ: ദുബൈയില്‍ ഇനി നിസ്‌കാരസമയത്ത് പള്ളികള്‍ക്ക് ചുറ്റും ഒരു മണിക്കൂര്‍ ഫ്രീ പാര്‍ക്കിങ്

ഇന്റർപോളിന്റെയും അബൂദബിയിലെ നാഷണൽ സെൻട്രൽ ബ്യൂറോയുടെയും സഹായത്തോടെ സിബിഐ ഖുള്ളറിന്റെ യുഎഇയിലെ ലൊക്കേഷൻ നേരത്തെ കണ്ടെത്തിയിരുന്നു. തുടർന്ന്, യുഎഇയിൽ വച്ച് അദ്ദേഹത്തെ അറസ്റ്റ് ചെയ്യുകയും സിബിഐയുടെ ആവശ്യപ്രകാരം ഇന്ത്യയിലേക്ക് നാടുകടത്തുകയുമായിരുന്നു. നിലവിൽ, കേസിൽ വിശദമായ അന്വേഷണം പുരോഗമിക്കുകയാണ്.

The Central Bureau of Investigation (CBI) has successfully extradited Udit Khullar from the UAE. He is accused in a major loan fraud case involving several crores. Legal proceedings in India are now underway.