തിരുവനന്തപുരം: മാധ്യമപ്രവർത്തകൻ കെ.എം. ബഷീറിനെ വാഹനം ഇടിപ്പിച്ച് കൊലപ്പെടുത്തിയ കേസിലെ പ്രതി ഐ.എ.എസ്. ഉദ്യോഗസ്ഥനായ ശ്രീറാം വെങ്കിട്ടരാമൻ കോടതിയിൽ ജാമ്യവ്യവസ്ഥ അനുസരിച്ച് സമർപ്പിച്ച പാസ്പോർട്ട് തിരികെ നൽകണമെന്നാവശ്യപ്പെട്ട് ഹരജിയിൽ ജൂലൈ 31ന് തിരുവനന്തപുരം നാലാം അഡീഷണൽ സെഷൻസ് കോടതി ഉത്തരവ് പുറപ്പെടുവിക്കും.

നിലവിലെ പാസ്‌പോർട്ടിന്റെ കാലാവധി കഴിഞ്ഞിരിക്കുകയാണ്. ചില ഔദ്യോഗിക യാത്രകൾ ഉണ്ടെന്നും അതുകൊണ്ട് പാസ്‌പോർട്ട് പുതുക്കി യാത്രക്ക് അനുമതി നൽകണമെന്നാണ് ശ്രീറാമിന്റെ ആവശ്യം. എന്നാൽ, ഇത് വിചാരണയെ ബാധിക്കുമെന്ന് പ്രോസിക്യൂഷൻ വാദിച്ചു. ഹരജി തള്ളണമെന്നും പ്രോസിക്യൂഷൻ ആവശ്യപ്പെട്ടു.

ALSO READ: "അവനെ തൂക്കിലേറ്റണം, അല്ലെങ്കിൽ ഏത് അറയിൽ കൊണ്ടിട്ടാലും അവൻ ചാടും"; വികാരഭരിതയായി സൗമ്യയുടെ അമ്മ

2019 ഓഗസ്റ്റ് 3ന് തിരുവനന്തപുരം മ്യൂസിയത്തിന് സമീപം ശ്രീറാമും സു​ഹൃത്ത് വഫയും സഞ്ചരിച്ച കാർ, ‘സിറാജ്’ ദിനപത്രത്തിന്റെ ബ്യൂറോ ചീഫ് ആയിരുന്ന കെ.എം. ബഷീറിന്റെ ഇരുചക്ര വാഹനത്തെ ഇടിച്ച് തെറിപ്പിക്കുകയായിരുന്നു. ശ്രീറാം മദ്യപിച്ചിരുന്നതായും വൈദ്യപരിശോധന വൈകിപ്പിച്ച് മദ്യപാനത്തിന്റെ തെളിവുകൾ നശിപ്പിച്ചുവെന്നും ആരോപണമുണ്ടായിരുന്നു.

ശ്രീറാമിനെതിരെ ഐപിസി 279 (അമിതവേഗത്തിൽ വാഹനമോടിക്കൽ), ഐപിസി 304 (നരഹത്യ), ഐപിസി 201 (തെളിവ് നശിപ്പിക്കൽ), മോട്ടോർ വാഹന നിയമം 184 (അപകടകരമായി വാഹനമോടിക്കൽ) എന്നീ കുറ്റങ്ങൾ ചുമത്തിയിരുന്നു.

In the K.M. Basheer murder case, a court will decide on July 31 whether to return the passport of accused Sriram Venkitaraman, who allegedly killed the journalist by hitting him with a vehicle