റിയാദ്: സഊദി അറേബ്യയിൽ വേനൽക്കാലത്തിന്റെ താരമായ തണ്ണിമത്തൻ വിളവെടുപ്പ് ഈ ജൂലൈയിൽ സമൃദ്ധമായി നടക്കുന്നു. രാജ്യത്തെ തണ്ണിമത്തൻ ഉൽപ്പാദനം 6,10,000 ടണ്ണിലധികം കവിഞ്ഞ് പ്രാദേശിക വിപണികളിൽ തിളങ്ങുകയാണ്. രുചിയും പോഷകഗുണവും കൊണ്ട് ജനപ്രിയമായ തണ്ണിമത്തന് വേനൽക്കാലത്ത് ആവശ്യക്കാരേറെയാണ് എന്നത് പ്രത്യേകം പറയേണ്ടതില്ലല്ലോ. എന്നിരുന്നാലും ജ്യൂസ്, ഐസ്ക്രീം, മിഠായികൾ തുടങ്ങിയവയുടെ നിർമാണത്തിലും തണ്ണിമത്തൻ സഊദിയിൽ ഒട്ടും പിന്നിലല്ല. 

ചാൾസ്റ്റൺ ഗ്രേ, ക്ലോണ്ടൈക്ക് ആർ 7, കോംഗോ, റോയൽ സ്വീറ്റ്, ക്രിംസൺ റൗണ്ട് തുടങ്ങിയ വ്യത്യസ്ത ഇനങ്ങൾ സഊദി വിപണിയിൽ ഉയർന്ന നിലവാരത്തിന് പേര് കേട്ടവയാണ്. ഈ വിളവെടുപ്പിന്റെ വിജയം രാജ്യത്തിന്റെ സ്വയംപര്യാപ്തതയ്ക്കുമുള്ള കാഴ്ചപ്പാടിനെ പിന്തുണയ്ക്കുന്നു.

ALSO READ: വിശപ്പിനെ ആയുധമാക്കിമാറ്റി ഇസ്റാഈൽ: ഗസ്സയിലെ പട്ടിണിമരണങ്ങൾ ചിന്തിക്കുന്നതിലും അപ്പുറം

 

 

പരിസ്ഥിതി, ജല, കൃഷി മന്ത്രാലയം, തണ്ണിമത്തൻ കർഷകർക്ക് സാങ്കേതികവിദ്യയും സാമ്പത്തിക പിന്തുണയും ആധുനിക കൃഷിരീതികളും നൽകി വരുന്നു. സീസണൽ പരിപാടികളും പ്രാദേശിക പ്രദർശനങ്ങളും വഴി ഉൽപ്പന്നങ്ങൾ ഉപഭോക്താക്കളിലേക്ക് എളുപ്പത്തിൽ എത്തുന്നുവെന്ന് മന്ത്രാലയം ഉറപ്പാക്കുന്നു. ഇത് സഊദിയുടെ ഭക്ഷ്യ സംസ്കരണ മേഖലയ്ക്കും സമ്പദ്‌വ്യവസ്ഥയ്ക്കും കരുത്ത് പകരുന്നു.

Saudi Arabia's watermelon harvest has exceeded 610,000 tons this July, boosting local markets with its rich flavor and nutritional value. Popular varieties like Charleston Gray and Royal Sweet shine, supporting the nation's food security and economy through advanced farming and ministry-backed initiatives