മുംബൈ: മഹാരാഷ്ട്രയിലെ ദൗലത്താബാദിൽ വാക്കുതർക്കത്തെ തുടർന്ന് 19 വയസ്സുകാരിയെ കല്ലെറിഞ്ഞ് കൊലപ്പെടുത്തി മലയിടുക്കിലേക്ക് വലിച്ചെറിഞ്ഞ ആൺസുഹൃത്ത് പൊലീസ് കസ്റ്റഡിയിൽ. കൊലപാതകത്തിന് ശേഷം പ്രതി സ്വയം പൊലീസ് സ്റ്റേഷനിൽ ഹാജരായി കുറ്റം ഏറ്റുപറഞ്ഞതായി പൊലീസ് അറിയിച്ചു.

വൈജാപൂർ മാണ്ഡ്കി സ്വദേശിയായ സുനിൽ ഖണ്ഡഗലെയാണ് പെൺസുഹൃത്തായ ദിപാലി അശ്വറിനെ (19) ക്രൂരമായി കൊലപ്പെടുത്തിയത്. സംഭവസ്ഥലത്ത് നിന്ന് പെൺകുട്ടിയുടെ മൃതദേഹം കണ്ടെടുത്തതായും ദിപാലിയെ തിരിച്ചറിഞ്ഞതായും പൊലീസ് വ്യക്തമാക്കി.

ദൗലത്താബാദ് പൊലീസ് സ്റ്റേഷനിലെ ഇൻസ്പെക്ടർ രേഖ ലോണ്ടെയുടെ നേതൃത്വത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു. സുനിലും ദിപാലിയും വൈജാപൂർ തെഹ്സിലിലെ മാണ്ഡ്കി ഗ്രാമത്തിൽ താമസിച്ചിരുന്നവരാണ്. വ്യക്തിപരമായ അസ്വാരസ്യങ്ങൾ മൂലം ദിപാലി സഹോദരിയുടെ വീട്ടിലേക്ക് താമസം മാറിയിരുന്നു.

വ്യാഴാഴ്ച, സുനിലും ദിപാലിയും ഒരുമിച്ച് ദൗലത്താബാദ് ഘട്ട് സന്ദർശിക്കാൻ പോയിരുന്നു. ഇവിടെ വച്ച് ഇരുവർക്കുമിടയിൽ രൂക്ഷമായ വാക്കുതർക്കമുണ്ടായി. തർക്കത്തിനിടെ സുനിൽ ദിപാലിയുടെ തലയിൽ കല്ലുകൊണ്ട് ആക്രമിച്ച് ഗുരുതരമായി പരിക്കേൽപ്പിച്ചു. തുടർന്ന് മലമുകളിൽ നിന്ന് അവളെ താഴേക്ക് തള്ളിയിടുകയായിരുന്നു.

സംഭവത്തിന് ഏതാനും മണിക്കൂറുകൾക്ക് ശേഷം സുനിൽ കർണാടകയിലെ ഷിരൂർ പൊലീസ് സ്റ്റേഷനിൽ ഹാജരായി കൊലപാതകം നടത്തിയ വിവരം അറിയിച്ചു. ഇരുവരും തമ്മിലുണ്ടായ വാക്കുതർക്കമാണ് കൊലപാതകത്തിന് കാരണമായതെന്ന് പൊലീസ് വെളിപ്പെടുത്തി.

സുനിലിന്റെ മൊഴി പ്രകാരം, ദിപാലി സ്വകാര്യ ആവശ്യങ്ങൾക്കായി ഒരു ലക്ഷം രൂപ ആവശ്യപ്പെട്ടിരുന്നു. എന്നാൽ, പണം നൽകാൻ വിസമ്മതിച്ചപ്പോൾ ദിപാലി തന്നെ വ്യാജ ബലാത്സംഗ കേസിൽ കുടുക്കുമെന്ന് ഭീഷണിപ്പെടുത്തിയതായി സുനിൽ പറഞ്ഞു.

വെള്ളിയാഴ്ച ഉച്ചയോടെ പെൺകുട്ടിയുടെ മൃതദേഹം കണ്ടെടുത്തതായി പൊലീസ് അറിയിച്ചു. പ്രതിയെ അറസ്റ്റ് ചെയ്ത് കൂടുതൽ അന്വേഷണം നടത്തിവരികയാണ്.

In Daulatabad, Maharashtra, a man identified as Sunil Khandgale was arrested after he stoned his 19-year-old girlfriend, Dipali Ashwar, to death following an argument. The incident occurred on Thursday at Daulatabad Ghat, where Sunil allegedly hit Dipali with a stone and threw her off a cliff. He surrendered at Shirur police station in Karnataka, confessing to the crime. Dipali had demanded ₹1 lakh, threatening a false rape case, which led to the dispute, per Sunil’s statement. Police recovered the body on Friday and registered a case.