ന്യൂഡല്‍ഹി: വിശുദ്ധ ഉംറ നിര്‍വഹിച്ച് ഡല്‍ഹിയില്‍ മടങ്ങിയെത്തിയ വിശ്വാസികളെ ജയ്ശ്രീറാം വിളപ്പിച്ച് തീവ്രഹിന്ദുത്വവാദികള്‍. ഡല്‍ഹിയിലെ യമുന ബസാറില്‍ ഹനുമാന്‍ ക്ഷേത്രത്തിന് സമീപം കഴിഞ്ഞദിവസം ആണ് സംഭവം. വിശ്വാസികളെ തടഞ്ഞുവയ്ക്കുകയും ചിലരുടെ തൊപ്പി അഴിപ്പിച്ച ശേഷം ജയ് ശ്രീറാം മുദ്രാവാക്യം വിളിക്കാന്‍ ആവശ്യപ്പെടുകയുമായിരുന്നു. സംഭവത്തിന്റെ വിഡിയോ സോഷ്യല്‍ മീഡിയയില്‍ വൈറലായതോടെ പൊലിസ് നടപടിയെടുക്കണമെന്ന ആവശ്യം ശക്തമായി.

താടിയും തൊപ്പിയും ധരിച്ച പ്രായംചെന്ന തീര്‍ത്ഥാടകരോട് അക്രമികള്‍ തട്ടിക്കയറുന്നതും ചിലരുടെ തൊപ്പി ഊരുമാറ്റുന്നതുമാണ് വിഡിയോയിലുള്ളത്. യാത്രക്കാരുടെ തൊപ്പികള്‍ ഊരിമാറ്റി ബലമായി ക്ഷേത്രപരിസരത്തേക്ക് കൊണ്ടുപോയി നിര്‍ബന്ധിച്ച് വണങ്ങാന്‍ ആവശ്യപ്പെടുന്നതും കാണാം. ക്ഷേത്രത്തിന് അടുത്തേക്ക് പോകുമ്പോള്‍ വയോധികര്‍ ജയ് ശ്രീ റാം വിളിക്കുന്നതും ശേഷം ഭൂമിയില്‍ വണങ്ങുന്നതും ദൃശ്യങ്ങളിലുണ്ട്. ന്യൂഡല്‍ഹിയില്‍ നിന്ന് മിനി ബസില്‍ അവരുടെ ജന്മനാടായ സഹാറന്‍പൂരിലേക്ക് മടങ്ങുന്നതിനിടെ യമുന ബസാറില്‍ ഭക്ഷണം കഴിക്കാന്‍ ബസില്‍ നിന്ന് ഇറങ്ങിയപ്പോഴാണ് ആക്രമിക്കപ്പെട്ടത്.

So another hate crime against Muslims:
These old Muslim skullcaps are harassed and terrorized by Siddharth Sharma at Jamuna Nagar in Delhi. What was their fault? They are visible Muslims...⁉️⁉️
After this video went viral, he apologized. No, we don't want his apology; he should… pic.twitter.com/IVcZOlUNkA

— Adv Rukhsana Sayed (@Umm_e_meerann) September 8, 2025

വിഡിയോയില്‍ പ്രത്യക്ഷപ്പെടുന്ന യുവാക്കളില്‍ ഒരാള്‍ സിദ്ധാര്‍ത്ഥ് ശര്‍മ്മ എന്നയാളാണെന്ന് തിരിച്ചറിഞ്ഞിട്ടുണ്ട്. മുസ്ലിം യാത്രക്കാരെയും ഡ്രൈവറെയും ഇയാള്‍ അധിക്ഷേപിക്കുന്നുണ്ട്. വിഡിയോ വൈറലായതിന് പിന്നാലെ, സംഭവത്തില്‍ മാപ്പ് ചോദിച്ചുള്ള സിദ്ധാര്‍ത്ഥ് ശര്‍മ്മയുടെ വിഡിയോയും പുറത്തുവന്നിട്ടുണ്ട്.

അതേസമയം, വിഡിയോ പങ്കുവച്ച് പലരും ഡല്‍ഹി പൊലിസിനെ ടാഗ് ചെയ്ത് നടപടി ആവശ്യപ്പെട്ടിട്ടുണ്ടെങ്കിലും ഇതുവരെ പൊലിസ് കേസ് രജിസ്റ്റര്‍ ചെയ്തിട്ടില്ല.