പത്തനംതിട്ട: പത്തനംതിട്ട കോയിപ്രം നെല്ലിക്കലിൽ പുഞ്ചയിൽ വള്ളം മറിഞ്ഞു രണ്ട് യുവാക്കൾ മരിച്ചു. അപകടത്തിൽ മുങ്ങിപ്പോയ ഒരാളെ കണ്ടെത്താനുള്ള ശ്രമം തുടരുകയാണ്. കിടങ്ങന്നൂർ സ്വദേശി രാഹുൽ സിഎൻ, നെല്ലിക്കൽ സ്വദേശി മിഥുൻ എം എന്നിവരാണ് മരണപ്പെട്ടത്.

ALSO READ: മഴ ശക്തം; കോട്ടയത്തെ ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്ന സ്‌കൂളുകള്‍ക്കും, കുട്ടനാട് താലൂക്കിലെ വിദ്യാഭ്യാസ സ്ഥാപനങ്ങള്‍ക്കും നാളെ അവധി

ഇവരുടെ സുഹൃത്തായ തിരുവല്ല സ്വദേശി ദേവ് ശങ്കറിനായുള്ള തിരച്ചിൽ തുടരുകയാണ്. വെള്ളത്തിൽ മീൻ പിടിക്കാൻ പോയപ്പോൾ ആയിരുന്നു അപകടം സംഭവിച്ചത്. ഇന്ന് വൈകുന്നേരം ആറ് മണിക്കാണ് അപകടം ഉണ്ടായത്. പുഞ്ചയിലാണ് വള്ളം മറിഞ്ഞത്. അപകടത്തിൽ പെട്ടവരിൽ രണ്ട് പേര് ബന്ധുക്കളും ഒരാൾ സുഹൃത്തുക്കളുമാണ്. ആർക്കും തന്നെ നീന്താൻ അറിയില്ലായിരുന്നു.