എഡിന്‍ബര്‍ഗ്: യു.എസും യൂറോപ്യന്‍ യൂനിയനും വ്യാപാര കരാര്‍ ഒപ്പിട്ടു. മിക്കവാറും ഉല്‍പന്നങ്ങള്‍ക്ക് 15 ശതമാനമാണ് തീരുവ. ഇതുവരെയുള്ളതില്‍ വെച്ച് ഏറ്റവും ബൃഹത്തായ ഡീല്‍ എന്നാണ് കരാറിനെ യു.എസ് പ്രസിഡന്റ് ഡൊണാള്‍ഡ് ട്രംപ് വിശേഷിപ്പിച്ചത്.

ഞായറാഴ്ച ട്രംപും യൂറോപ്യന്‍ കമീഷന്‍ മേധാവി ഉര്‍സുല വോന്‍ഡെര്‍ ലെയനും തമ്മില്‍ സ്‌കോട്ട്‌ലാന്‍ഡില്‍ നടന്ന കൂടിക്കാഴ്ചക്ക് ശേഷമാണ്  കരാര്‍ പ്രഖ്യാപനം.

ALSO READ: ഉത്തരേന്ത്യയില്‍ യാത്ര ചെയ്യുമ്പോള്‍ സഭാവസ്ത്രം ഉപേക്ഷിക്കാന്‍ നിര്‍ദേശം, നടപടി മലയാളി കന്യാസ്ത്രീകളുടെ അറസ്റ്റിന് പിന്നാലെ; മതസ്വാതന്ത്ര്യം അപകടത്തിലെന്ന് കെ.സി.ബി.സി 

യു.എസില്‍നിന്ന് യൂറോപ്യന്‍ യൂനിയന്‍ രാജ്യങ്ങളിലേക്കും തിരിച്ചും കയറ്റുമതിയും ഇറക്കുമതിയും വര്‍ധിക്കാനും കൂടുതല്‍ തൊഴിലവസരങ്ങള്‍ക്കും കരാര്‍ സഹായകമാവുമെന്നാണ് പ്രതീക്ഷ.75000 കോടി ഡോളറിന്റെ ഊര്‍ജ്ജം യു.എസില്‍നിന്ന് വാങ്ങാനും 60000 കോടി ഡോളര്‍ നിക്ഷേപിക്കാനും യൂറോപ്യന്‍ യൂനിയന്‍ സമ്മതിച്ചതായി ട്രംപ് വ്യക്തമാക്കി. റഷ്യയില്‍നിന്നുള്ള പ്രകൃതിവാതക ഇറക്കുമതി കുറക്കലും ഇതിലൂടെ ലക്ഷ്യമിടുന്നുണ്ട്.

യൂറോപ്പിലെ നിര്‍ണായകമായ ഓട്ടോമൊബൈല്‍ മേഖല, ഫാര്‍മസ്യൂട്ടിക്കല്‍സ്, സെമികണ്ടക്ടറുകള്‍ എന്നിവയുള്‍പ്പെടെ എല്ലാ മേഖലകളിലും 15 ശതമാനം താരിഫ് ബാധകമാകുമെന്ന് ട്രംപ് പറഞ്ഞു.

The United States and the European Union have signed a major trade agreement, setting a 15% tariff on most products. US President Donald Trump hailed it as the "most comprehensive deal ever.