സഹായം തേടിയെത്തിയവര്‍ക്ക് നേരെ ഇസ്‌റാഈല്‍ സൈനികര്‍ വീണ്ടും വെടിയുതിര്‍ത്തു. ഗസ്സയില്‍ രണ്ട് സഹായ കേന്ദ്രങ്ങലിലാണ് വെടിവെപ്പുണ്ടായത്. ചുരുങ്ങിയത് ഒരാളെങ്കിലും കൊല്ലപ്പെട്ടതായി അല്‍ജസീറ റിപ്പോര്‍ട്ടില്‍ പറയുന്നു. നിരവധി പേര്‍ക്ക് പരുക്കേറ്റിട്ടുണ്ട്. അതിനിടെ ഒരു കുഞ്ഞ് കൂടി ഗസ്സയില്‍ വിശന്നു മരിച്ചു. 24 മണിക്കൂറിനിടെ ഗസ്സയില്‍ 14 മരണങ്ങളാണ് റിപ്പോര്‍ട്ട് ചെയ്തത്. വ്യത്യസ്ത ഇടങ്ങളിലായി ഇസ്‌റാഈല്‍ നടത്തുന്ന ആക്രമണങ്ങളില്‍ ചുരുങ്ങിയത് ഇന്ന് പുലര്‍ച്ചെ മുതല്‍ 41 പേര്‍ കൊല്ലപ്പെട്ടതായും ആരോഗ്യ മന്ത്രാലയം റിപ്പോര്‍ട്ട് ചെയ്യുന്നു. 

അതിനിടെസ ഇസ്റാഈല്‍ അനുവദിച്ച സഹായങ്ങള്‍ ഗസ്സയുടെ പ്രതിസന്ധികള്‍ അവസാനിക്കാന്‍ മതിയാവില്ലെന്ന മുന്നറിയിപ്പുമായി യു.എന്‍ രംഗത്തെത്തി. ഇസ്റാഈല്‍ ഗസ്സയിലെ ചില നിയന്ത്രണങ്ങളില്‍ ഇളവ് വരുത്തിയിട്ടുണ്ട്. എന്നാല്‍ അത് ഗസ്സയിലെ പട്ടിണിയോ ആരോഗ്യപ്രശ്നങ്ങളോ അവസാനിപ്പിക്കാന്‍ പര്യാപ്തമല്ല-യു.എന്‍ ചൂണ്ടിക്കാട്ടുന്നു.  

ALSO READ: 'നിങ്ങളനുവദിച്ച ഇത്തിരി ഭക്ഷണം ഗസ്സയുടെ വിശപ്പടക്കില്ല' മുന്നറിയിപ്പ് ആവര്‍ത്തിച്ച് യു.എന്‍;  ഇസ്‌റാഈല്‍ ആക്രമണങ്ങളും തുടരുന്നു

ലോക രാജ്യങ്ങളുടെ നിരന്തരമായ ഇടപെടലിന് പിന്നാലെ ഇന്നലെയാണ് ഗസ്സയില്‍ ഭക്ഷണ വിതരണത്തിന് ആക്രമണം നിര്‍ത്തിവയ്ക്കുമെന്ന് ഇസ്‌റാഈല്‍ അറിയിച്ചത്. ദിവസവും 10 മണിക്കൂര്‍ ആക്രമണം നിര്‍ത്തുമെന്നാണ് ഇസ്റാഈല്‍ പ്രഖ്യാപിച്ചത്. പട്ടിണി അന്താരാഷ്ട്ര തലത്തില്‍ ചര്‍ച്ചയായതിനെ തുടര്‍ന്ന് . ബ്രിട്ടന്‍ ഉള്‍പ്പെടെയുള്ള ഇസ്‌റാഈല്‍ അനുകൂല രാജ്യങ്ങള്‍ നടപടി ആവശ്യപ്പെട്ട് രാജ്യത്തിന് കത്തയച്ചിരുന്നു. ഫ്രാന്‍സ്, പോര്‍ച്ചുഗല്‍, കാനഡ ഉള്‍പ്പെടെയുള്ള രാജ്യങ്ങള്‍ ഫലസ്തീനെ രാഷ്ട്രമായി അംഗീകരിക്കാന്‍ നടപടിയും തുടങ്ങിയതോടെയാണ് ഇസ്‌റാഈല്‍ ഗസ്സയില്‍ ആക്രമണം താല്‍ക്കാലികമായി നിര്‍ത്താന്‍ നിര്‍ബന്ധിതരായത്.

Starved Palestinians, including children, scramble for badly needed food at a charity kitchen in Gaza amidst the ongoing Israeli war of starvation on the territory. pic.twitter.com/JOOrGoOeNg

— Quds News Network (@QudsNen) July 28, 2025

സഹായങ്ങള്‍ എത്തിക്കാന്‍ മൂന്നു മേഖലകളിലാണ് ഇസ്‌റാഈല്‍ ആക്രമണം നിര്‍ത്തിവച്ചത്. ഗസ്സ സിറ്റിയിലെ മൂന്നു മേഖലകളിലാണിത്. രാവിലെ 10 മുതല്‍ രാത്രി എട്ടുവരെയാണ് ആക്രമണം നിര്‍ത്തുക. ഈ സമയത്ത് വിമാന മാര്‍ഗവും അല്ലാതെയും സഹായം എത്തിക്കാം. 10 മണിക്കൂര്‍ നേരത്തേക്ക് ആക്രമണം നിര്‍ത്തുന്നത് ഗസ്സ സിറ്റിയില്‍ മാത്രമാണ്. മറ്റിടങ്ങളിലെല്ലാം ആക്രമണം തുടര്‍ന്നേക്കും. ഗസ്സ സിറ്റി ജനങ്ങള്‍ തിങ്ങിപ്പാര്‍ക്കുന്ന മേഖലയാണ്. 10 മണിക്കൂര്‍ ഇളവ് നല്‍കുന്നത് മറ്റൊരു അറിയിപ്പ് വരെ തുടരുമെന്നാണ് ഇസ്‌റാഈല്‍ പറയുന്നത്.

Israeli soldiers have once again opened fire on individuals seeking aid in Gaza, with shooting incidents reported at two different aid distribution centers. Al Jazeera reports that at least one person has been killed and several injured.