ദുര്‍ഗ്: ഛത്തീസ്ഗഡിലെ ദുര്‍ഗില്‍ ക്രൈസ്ത്രവ വിഭാഗത്തിന് നേരെ ബജ്‌റംഗ്ദള്‍ പ്രവര്‍ത്തകരുടെ ആക്രമണം. ബജ്‌റംഗ് ദള്‍ നേതാവ് ജ്യോതി ശര്‍മയുടെ നേതൃത്വത്തിലാണ് പെന്തക്കോസ്ത് വിഭാഗത്തിന്റെ പ്രാര്‍ഥനയ്ക്കിടെ അക്രമണം നടത്തിയത്. 

 പ്രാര്‍ത്ഥന ശുശ്രൂഷക്കിടെ ഒരു കൂട്ടം ബജ്‌റംഗ്ദള്‍ പ്രവര്‍ത്തകര്‍ എത്തി മതപരിവര്‍ത്തനം അടക്കമുള്ള കാര്യങ്ങള്‍ ആരോപിച്ചുകൊണ്ട് ആക്രമണം അഴിച്ചുവിടുകയും മുദ്രാവാക്യം വിളിക്കുകയുമായിരുന്നു. പാസ്റ്ററിനെ ഇരുമ്പ് ദണ്ഡ് കൊണ്ട് അടിച്ചു. ജോണ്‍ ജോനാഥന്‍ എന്ന പാസ്റ്റര്‍ക്കാണ് ആക്രമണത്തില്‍ ഗുരുതരമായി പരുക്കേറ്റത്. അദ്ദേഹത്തിന്റെ കൈ ആക്രമണത്തില്‍ ഒടിഞ്ഞു.

അതേസമയം  സംഭവത്തിനെതിരെ കടുത്ത പ്രതിഷേധമാണ് ഉയരുന്നത്. പൊലീസിന്റെ സാന്നിധ്യത്തില്‍ തന്നെയാണ് ആക്രമണത്തെ ഉണ്ടായത്. ആരാധനാലയത്തിലെത്തിയ മറ്റ് വിശ്വാസികള്‍ക്കും ആകാരമാണത്തില്‍ പരുക്കേറ്റിട്ടുണ്ട്.സംഭവത്തില്‍ പൊലീസ് ഇതുവരെ കേസ് രജിസ്റ്റര്‍ ചെയ്തിട്ടില്ല.